ក្រុមហ៊ុនរថយន្ត Mini បានផ្លាស់ប្ដូរឈ្មោះយ៉ាន់កង់រថយន្តសម្រាប់បំពាក់លើរថយន្ត Cooper SE ប្រភេទអគ្គិសនី ដែលប្ដូរពីឈ្មោះ “Corona Spoke” មកជា “Power Spoke” ក៏ដោយសារមានឈ្មោះស្រដៀងនឹងជំងឺកូវីដ១៩ ដែលកំពុងផ្ទុះទូទាំងពិភពលោក។
សកម្មភាពរបស់ Mini បានបង្ហាញឲ្យឃើញថាជំងឺកូវីដ១៩ បានប៉ះពាល់ដល់ឧស្សាហកម្មយានយន្តជាខ្លាំង។ មិនត្រឹមតែត្រូវបិទរោងចក្រ ហើយចំនួនលក់រថយន្តធ្លាក់ចុះនោះទេ ពេលនេះក្រុមហ៊ុនថែមទាំងត្រូវប្ដូរឈ្មោះផលិតផលរបស់ខ្លួន ដើម្បីជៀសវាងពីបញ្ហានានា។
ផ្ទាំងផ្សាយពាណិជ្ជកម្ម
ឈ្មោះយ៉ាន់សម្រាប់ Cooper SE ស៊េរីខ្ពស់ជាងគេនេះគឺបានដាក់តាំងពីមុនពេលជំងឺកូវីដ១៩ផ្ទះមកម្ល៉េះ។ ការប្ដូរឈ្មោះនេះដែរគឺក្រោយពី Mini ដឹកជញ្ជូនរថយន្ត Cooper SE ដល់អតិថិជននៅអាមេរិកបានត្រឹម ១ ខែប៉ុណ្ណោះ៕
ផ្ទាំងផ្សាយពាណិជ្ជកម្ម
