ក្រុមហ៊ុន Nissan បានបង្ហាញចេញនូវរថយន្ត Kicks e-POWER ស៊េរីឆ្នាំ ២០២២ ផ្លូវការ ជាមួយគ្រឿងបន្ថែម SKY Edition ក្នុងពិពណ៌ Motor Expo 2021 ប្រទេសថៃ។
ចំពោះកញ្ចប់គ្រឿងបន្ថែម SKY Edition រួមបញ្ចូលមាន កាងធ្លាក់ផ្នែកខាងមុខ ខាងក្រោយ និងជំហៀងពណ៌ខ្មៅ រួមជាមួយស្ទីកគ័រនៅលើដំបូលពណ៌ស។ លើសពីនេះវាក៏មានភ្ជាប់មកជាមួយយ៉ាន់ស្ព័រទំហំ ១៧ អ៊ីង ពណ៌ខ្មៅ និងកំរាលទ្រាប់ជើងភ្ជាប់មកជាមួយពាក្យ SKY Editionផងដែរ។
រថយន្ត Nissan Kick e-POWER ស៊េរីឆ្នាំ២០២២ ដំណើរការដោយម៉ាស៊ីនសាំងចំណុះ ១,២លីត្រ ៣ស៊ីឡាំង ផ្គួបជាមួយម៉ូទ័រអគ្គិសនីចំនួនមួយ អាចផលិតកម្លាំងសរុបបាន ១២៩សេះ និងកម្លាំងរមួល ២៦០ញ៉ូតុនម៉ែត្រ។
យ៉ាងណាមិញតម្លៃរថយន្ត Nissan Kick e-POWER ស៊េរីឆ្នាំ២០២២ សម្រាប់ទីផ្សារនៅប្រទេសថៃ ដោយ
- ម៉ូឌែល S តម្លៃ ២៦ ២៨៦ ដុល្លារ
- ម៉ូឌែល E តម្លៃ ២៨ ០៦០ ដុល្លារ
- ម៉ូឌែល V តម្លៃ ២៩ ៥៣៨ ដុល្លារ
- ម៉ូឌែល VL តម្លៃ ៣១ ០១៧ ដុល្លារ
សូមបញ្ជាក់ថាកញ្ចប់គ្រឿងបន្ថែម SKY Edition សម្រាប់ Nissan Kicks e-POWER មានតម្លៃ ២ ១០៣ ដុល្លារ ដោយឥតគិតថ្លៃសម្រាប់ម៉ូដែល VL ជាមួយនឹងតួខ្លួនពណ៌ខៀវ ដំបូលពណ៌ស មានចំនួនកំណត់ត្រឹមតែ ១០០ គ្រឿងប៉ុណ្ណោះ៕
