Toyota គ្រោងឈប់លក់រថយន្ត C-HR នៅលើទីផ្សារមួយនេះ

September 16, 2022

[ទីផ្សារបរទេស] ក្រុមហ៊ុន Toyota គ្រោងបញ្ឈប់ការលក់រថយន្ត C-HR ចាប់ពីស៊េរីឆ្នាំ២០២៣ ពីទីផ្សារកាណាដា។ នេះបើតាមអ្នកគ្រប់គ្រងផ្នែកលក់ប្រចាំនៅ Toyota Maple ជិតទីក្រុង Toronto ប្រទេសកាណាដា។

ក្នុងវីដេអូសម្រាប់គណនី YouTube ឈ្មោះ Toyota World អ្នកគ្រប់គ្រងឈ្មោះ Mastroianni និយាយថារថយន្ត SUV តូចនេះនឹងត្រូវបញ្ឈប់ការលក់ពីប្រទេសកាណាដទាំងមូលនៅឆ្នាំ២០២៣។ ដំណឹងនេះ បានចេញបន្ទាប់ពី Toyota បានផ្ដល់ព័ត៌មានជាច្រើនអំពីសែស្រឡាយរថយន្តរបស់ខ្លួន ប៉ុន្តែមិនបានរំលឹកអំពីរថយន្ត C-HR ឡើយ។

គួរដឹងថា C-HR ស្ថិតក្នុងចំណោមរថយន្តមិនសូវល្បីរបស់ Toyota នៅអាមេរិកខាងជើង ដោយរយៈពេល៦ខែដំបូងនៃឆ្នាំ២០២២ ក្រុមហ៊ុនអាចលក់រថយន្តនេះបាន ១ ១៤៤គ្រឿង ប៉ុណ្ណោះនៅសហរដ្ឋអាមេរិក ខណៈដែល RAV4 លក់បាន ៣៣ ២០០គ្រឿង និង Highlander លក់បាន ១៥ ៩៧០គ្រឿង។

ជាមួយតម្លៃចាប់ពីប្រមាណ ១៨ ៤៤០ដុល្លារ លើទីផ្សារកាណាដា រថយន្ត C-HR នេះមានតម្លៃថ្លៃជាង Corolla បន្តិច ដែលមានតម្លៃចាប់ពី ១៤ ៧៣០ដុល្លារ ហើយ Corolla Hatchback មានតម្លៃចាប់ពីប្រមាណ ១៦ ២៤៥ដុល្លារ៕

ផ្ទាំងផ្សាយពាណិជ្ជកម្ម

គំរូរថយន្តស្ព័រ Ford Mustang ២០២៤ ប្រភេទ Sedan បង្ហាញរូបរាងជាផ្លូវការ

September 16, 2022

[បរទេស] ក្រុមហ៊ុនផលិតរថយន្ត Ford បានធ្វើការដាក់បង្ហាញរថយន្ត Mustang ជំនាន់ទី ៧ ជាមួយរូបរាង Pony ដ៏ល្បីនៅការរចនាថ្មីទាំងខាងក្នុង និងខាងក្រៅ។ ជាមួយគ្នានេះ Ford ក៏បានបង្ហាញនៅម៉ូដែល Dark Horse ជំនាន់ថ្មីផងដែរ។ ប៉ុន្តែការគំនូរព្រាងផ្លូវការពីក្រុមហ៊ុន Blue Oval បង្ហាញការរចនាជម្រើសដ៏ទាក់ទាញមួយសម្រាប់រថយន្ត ពោលគឺរថយន្តប្រភេទ Sedan ទ្វារបួន។

គំនូរព្រាងទាំងនេះបានមកពីលោក Christopher Stevens របស់ក្រុមហ៊ុន Ford ដែលជាអ្នករចនាផ្នែកខាងក្រៅជាន់ខ្ពស់របស់ក្រុមហ៊ុន។

គំនូរព្រាងនេះស្ថិតក្នុងចំណោមការរចនារថយន្ត Mustang ដ៏គួរឲ្យទាក់ទាញផ្សេងទៀត ជាមួយនឹងគំនូរចំនួនពីរដែលពណ៌នាអំពីរថយន្តប្រភេទ Coupe ជាមួយនឹងគំនូររាងអក្សរ C ដូចរថយន្ត Bugatti ជាដើម។

ទាក់ទងទៅនឹងផ្នែកម៉ាស៊ីនវិញ រថយន្ត Mustang ដែលបានរចនាឡើងវិញនឹងបំពាក់ម៉ាស៊ីនថ្មីទាំងស្រុងចំណុះ ២,៣ លីត្រ EcoBoost ទំហំ ៤ ស៊ីឡាំង និងម៉ាស៊ីនចំណុះ ៥,០ លីត្រ V8 ដែលត្រូវបានធ្វើឲ្យល្អប្រសើរ។ ក្នុងនោះ Ford បានផ្តល់ប្រអប់លេខអតូតែមួយគត់សម្រាប់ម៉ាស៊ីនទំហំ ៤ ស៊ីឡាំង ខណៈពេលដែលអ្នកដែលចង់ដាក់ប្រអប់លេខដោយខ្លួនឯង នឹងត្រូវដំឡើងទៅជាម៉ូដែល GT ដែលដំណើរការដោយ V8 ដែលមានជម្រើសទាំងពីរ។

រថយន្ត Ford Mustang ស៊េរីឆ្នាំ ២០២៤ ដែលត្រូវបានរចនាឡើងវិញនឹងដាក់លក់នៅរដូវក្តៅក្រោយ ។ ទោះជាយ៉ាងណាក៏ដោយ ក្រុមហ៊ុន Ford មិនទាន់បានប្រកាសពីកម្លាំងសម្រាប់រថយន្ត Mustang ស៊េរីថ្មីនោះទេ។ រំពឹងថាក្រុមហ៊ុន Ford នឹងបង្ហាញពីលេខដំណើរការរបស់រថយន្ត និងព័ត៌មានតម្លៃកាន់តែជិតទៅនឹងកាលបរិច្ឆេទដាក់លក់របស់រថយន្តនៅឆ្នាំ ២០២៣៕

ផ្ទាំងផ្សាយពាណិជ្ជកម្ម

រថយន្ត Ford Mustang និង Jeep Wagoneers ស៊េរីថ្មី ជាច្រើនគ្រឿង ត្រូវបានចោរលួចពីរោងចក្រក្នុងថ្ងៃតែមួយ (មានវីដេអូ)

September 16, 2022

[បរទេស] កាលពីពេលថ្មីៗនេះ ក្រុមចោរលួចរថយន្តបានផ្ទុះឡើង ក្នុងរដ្ឋ Michigan ខណៈដែលរថយន្ត Ford Mustangs ថ្មីចំនួន ១២ ដល់ ១៥ គ្រឿងត្រូវបានលួចពីរោងចក្រ Flat Rock Assembly Plant ហើយរថយន្ត Jeep Wagoneers ២ គ្រឿងត្រូវបានលួចពីរោងចក្រ Stellantis ‘Warren នៅថ្ងៃតែមួយ។

ការលួចនេះបានកើតឡើងនៅតំបន់ Woodhaven ឆ្លងកាត់ផ្លូវពីរោងចក្រ Flat Rock នៅម៉ោងប្រហែល ២ ទៀបភ្លឺ។ មេធាវី និងទូរទស្សន៍/វិទ្យុ អ្នកវិភាគផ្នែកច្បាប់ Charlie Langton បានធ្វើការចេញផ្សាយវីដេអូខ្លីមួយនៅលើ Twitter របស់គាត់ ដែលបង្ហាញពីចំណតរថយន្ត។ អ្នកក្នុងតំបន់នោះឆ្ងល់ថា តើក្រុមចោរចូលទៅក្នុងតំបន់ដែលហ៊ុមព័ទ្ធដោយរបងលួសដោយរបៀបណា?

12 to 15 new Mustangs were stolen from a lot in Woodhaven across from the Flat Rock assembly plant. #Police recovered two of the Mustangs. This is the second time in a week that vehicles were stolen from this lot. @WWJ950 @FOX2News #FordMustang #Tuesday #Crime pic.twitter.com/vZwvyyO968

— Charlie Langton (@charlielangton) September 13, 2022

ប៉ូលីស Woodhaven បានរកឃើញរថយន្ត Mustang យ៉ាងហោចណាស់ ២គ្រឿងដែលលួចបានដោយជោគជ័យ ហើយឥឡូវនេះកំពុងស្វែងរកជនសង្ស័យបន្ងែមទៀត។ ក្នុងនោះ ស្នងការរងប៉ូលីសបាននិយាយទៅកាន់គេហទំព័រ Fox 2 ថាគាត់ជឿថានេះមិនមែនជាឧប្បត្តិហេតុដាច់ដោយឡែកនោះទេ។ ជាការពិតណាស់ នេះមិនមែនជាលើកទីមួយទេ ដែលរោងចក្រ Flat Rock Assembly Plant ត្រូវបានកំណត់គោលដៅ។ រថយន្ត Mustang បន្ថែម ៤-៥ គ្រឿងត្រូវបានលួចកាលពីខែមិថុនាឆ្នាំមុន រួមទាំងរថយន្តស៊េរី Shelby GT500 ផងដែរ ដោយពួកគេភាគច្រើនត្រូវបានរកឃើញវិញបន្ទាប់ពីពួកគេអស់សាំងនៅលើផ្លូវហាយវេ។

#BREAKING A number of Jeep Wagoneers have been stolen after a break-in at the Chrysler Warren Truck Assembly Plant on Mound and 8 mile. @cityofwarren @WWJ950 @FOX2News @Jeep #Tuesday pic.twitter.com/8h7fPJUubP

— Charlie Langton (@charlielangton) September 13, 2022

មិនតែប៉ុណ្ណោះ យោងតាមប៉ូលីស Warren បានឲ្យដឹងថា រថយន្ត Jeep Wagoneers មិនស្គាល់លេខមួយគ្រឿង ត្រូវបានចោរលួច និងបានព្យាយាមបិទទ្វារ ប៉ុន្តែជនសង្ស័យបានវាយកម្ទេចរថយន្តនោះ ហើយរត់គេចខ្លួនជាមួយរថយន្ត SUV ដែលត្រូវបានលួច។ រថយន្ត Wagoneers ពីរគ្រឿងត្រូវបានគេរកឃើញវិញ ប៉ុន្តែយ៉ាងហោចណាស់មានរថយន្តពីរទៀតនៅបាត់។ វាមិនច្បាស់ទេថាតើការលួចប្លន់ទាំងពីរនេះពាក់ព័ន្ធឬយ៉ាងណា ប៉ុន្តែមន្ត្រីប៉ូលីសនិយាយអំពីក្រុមក្មេងទំនើងដែលមានផែនការជាក់លាក់ និងការដឹកនាំប្រកបដោយបទពិសោធន៍៕

ផ្ទាំងផ្សាយពាណិជ្ជកម្ម

ភាពល្បីរន្ធឺរបស់ Royal Enfield ម៉ាកយីហ៊ោម៉ូតូធំមួយដែលឈរជើងយ៉ាងរឹងមាំនៅក្នុងប្រទេសកម្ពុជា

September 15, 2022

គេសង្កេតឃើញថាមានម៉ាកយីហោម៉ូតូធំជាច្រើនដែលបានដកថយពីទីផ្សារប្រទេសកម្ពុជាដូចជា Harley Davidson, Ducati, Kawasaki ដោយសារកត្តាជម្រុញជាច្រើន។ យ៉ាងណាមិញម៉ាកយីហ៊ោមួយដែលមានវត្តមានក្នុងទឹកដីប្រទេសកម្ពុជាតាំងពីឆ្នាំ ២០២០, Royal Enfield បានជំរុញការលក់របស់ខ្លួនសម្រាប់ការកើនឡើងយ៉ាងខ្លាំងក្នុងចំណោមក្រុមអ្នកជិះម៉ូតូធំ។ ក្រៅពីគុណភាពដ៏ល្អនៃម៉ាកដ៏រឹងមាំមួយនេះត្រូវបានសម្រិតសម្រាំងឡើងតាំងពីឆ្នាំ ១៩០១ មកម្លេះអមមកជាមួយនិងមជ្ឈមណ្ឌលសេវាកម្មដ៏ល្អនៃរោងជាង ការជិះជាក្រុមនិងសហគមន៍ បួករួមនិងតម្លៃសមរម្យ បានត្រួសត្រាយផ្លូវសម្រាប់ Royal Enfield កាន់តែងាយស្រួលក្នុងទីផ្សារម៉ូតូធំ។

ហេតុអ្វីបានជា Royal Enfield ត្រូវបានអះអាងថាជាម៉ូតូដែលមានគុណភាពល្អបំផុត ខណៈពេលដែលមានការប្រៀបធៀបទៅនឹងម៉ូតូជាច្រើនដូចជា Scoopy ម៉ូតូដែលមានចំនួនតួរលេខជាច្រើននៅលើដងផ្លូវ? ជាមួយនឹងឫសគល់របស់ប្រទេសអង់គ្លេស សមាសធាតុម៉ូតូ Royal Enfield ត្រូវបានផលិតឡើងពីរចនាសម្ព័ន្ធដែក និងការរចនាយ៉ាងប្រុងប្រយ័ត្នដែលដាក់គុណភាពជាអាទិភាព។ ប្រសិនបើអ្នកក្រឡេកមើលនិន្នាការដ៏គួរឱ្យស្រលាញ់របស់ Scoopy ម៉ូតូប្រភេទនេះងាយស្រួលក្នុងការបាក់បែកនិងពុកផុយនៃគុណភាពជាមួយនិងផ្លាស្ទិកនៃការរចនា! ម្យ៉ាងវិញទៀតប្រសិនបើអ្នកស្រមៃមើលអំពីគ្រោះថ្នាក់ចរាចរណ៍ដែលអាចនិងកើតឡើង Royal Enfield នឹងជួយសង្រ្គោះអ្នកកាន់តែច្រើនជាមួយនឹងសុវត្ថិភាពនៃសម្ភារៈដែលផលិត។ ការជ្រើសរើសម៉ូតូជាមួយនឹងការប្រើប្រាស់បានយូរ និងរក្សាទុកសម្រាប់មនុស្សជំនាន់ក្រោយរបស់អ្នក Royal Enfield ជាម៉ូតូដែលអ្នកមិនគួរមើលរំលង។

ផលិតផលល្អអមមកជាមួយមជ្ឈមណ្ឌលសេវាកម្មល្អដែលបង្កើតទំនុកចិត្តរបស់អតិថិជនតាំងពីចំនុចចាប់ផ្តើមហើយនិងធ្វើអោយអតិថិជនមានការចាប់អារម្មណ៍សូម្បីតែមុនពេលជ្រើសរើសផលិតផលនោះទៅទៀត។ ប្រសិនបើអ្នកទិញម៉ូតូ Royal Enfield អ្នកនឹងមិនចាំបាច់ខ្វល់ខ្វាយថាអ្នកត្រូវដោះស្រាយបញ្ហាមេកានិករបស់អ្នកដោយរបៀបណាជាមួយយានដ្ឋានផ្សេងទៀត ឬរបៀបដែលពួកគេអាចគិតប្រាក់អ្នកក្នុងចំនួនច្រើនលើសលប់នៃតម្លៃជួសជុលនៅក្នុងលក្ខខណ្ឌនៃការថែទាំសេវាកម្ម និងគ្រឿងបន្លាស់ផងដែរ។ Royal Enfield Cambodia ត្រូវបានគេស្គាល់ថាជាហាងម៉ូតូធំមួយនៃពាក្យថា One Stop Service។ អ្វីគ្រប់យ៉ាងគឺនៅក្នុងមួយសម្រាប់មជ្ឈមណ្ឌលសេវាកម្មរបស់ខ្លួន សម្លៀកបំពាក់ និងគ្រឿងបន្លាស់ផ្តល់ឱ្យអតិថិជននូវជម្រើសជាច្រើន និងមានផាសុកភាពបំផុត។ ប្រណិតភាពនៃជីវិតជាមួយនឹងម៉ូតូធំគឺចាប់ផ្តើមពី Royal Enfield Cambodia។

ការជិះម៉ូតូជាកីឡាមួយដែលសម្រាកលំហែកាយពីការងារនឿយហត់ផ្សេងៗហើយវាបានក្លាយជានិន្នាការពេញនិយមយ៉ាងខ្លាំងក្នុងប្រទេសកម្ពុជា។ ជាធម្មតា អ្នកអាចប្រទះឃើញក្រុមម៉ូតូធំដែលធ្វើដំណើរចុងសប្តាហ៍ទៅកាន់កន្លែងបោះតង់នៅខេត្ត ការជួបជុំហាងកាហ្វេក្នុងទីក្រុង ជិះពេលព្រឹក ឬសូម្បីតែជិះពេលយប់ ដែលពិតជាបង្កើតសហគមន៍ដ៏ល្អក្នុងចំណោមអ្នកប្រើប្រាស់ម៉ូតូធំ។ នេះត្រូវបានគេចាត់ទុកថាជាកីឡាមួយប្រភេទទៀតសម្រាប់ក្រុមមនុស្សគ្រប់អាយុជាពិសេសគឺបងៗ វ័យណ្តាលដែលចង់សម្រាកបន្ទាប់ពីធ្វើការពេញមួយសប្តាហ៍របស់ពួកគេបាន។ ក្នុងនាមជាគ្រួសារ Royal Enfield Cambodia អ្នកនឹងត្រូវបានបំផុសគំនិតដោយក្រុមអ្នកជិះម៉ូតូធំដូចគ្នាដែលប្រមូលផ្តុំគ្នាសម្រាប់ការជិះក្នុងសហគមន៍ និងចែករំលែកបទពិសោធន៍ថ្មីនៃបរិបទការជិះម៉ូតូ។

សម្រាប់ម៉ូតូដែលមានកំលាំងពី 350cc-650cc ជាមួយនិងគ្រប់យ៉ាងដែលអ្នកត្រូវការនិងផ្តល់ជូនជាមួយនិងតំលៃសមរម្យបំផុតដែលចាប់ផ្តើមពី 4200 ដុល្លាប៉ុន្នោះបូករួមនិងប្រមូលសិនផ្សេងៗដែលផ្តល់ជូនសម្រាប់ខែនីមួយៗនិងរដូវកាលខុសៗគ្នា។ សម្រាប់ឪកាសបុណ្យភ្ជុុំបិណ្ឌខាងមុខនេះ អ្នកនិងទទួលបាននៅការថែមជូនស្លាកលេខមួយ កាតសាំង បណ្ណ័ទិញទំនិញនិងសម្លៀកបំពាក់នៅហាង Royal Enfield និងការប្តូរប្រេងម៉ាស៊ីនជាមួយនិងតម្រងចំនួនពីរដង៕

ផ្ទាំងផ្សាយពាណិជ្ជកម្ម

ការចំណាយផលិតឡាន Tesla ធ្លាក់ពីជាង ៨ម៉ឺនដុល្លារ មកនៅត្រឹមជាង ៣ម៉ឺនដុល្លារ

September 15, 2022

[ទីផ្សារបរទេស] ថ្មីៗកន្លងទៅនេះ ប្រធានផ្នែកវិនិយោគិនរបស់ Tesla ឈ្មោះ Martin Viecha បានចែករំលែកព័ត៌មានគួរចាប់អារម្មណ៍មួយចំនួនអំពី Tesla ក្នុងកម្មវិធីសន្និសីទកាសែតដែលបានធ្វើឡើងនៅទីក្រុង San Francisco សហរដ្ឋអាមេរិក។

Martin បានបង្ហាញអំពីផែនការប្រាំឆ្នាំទៀតរបស់ Tesla រួមទាំងបាននិយាយអំពីចំណាយនៃការផលិតរថយន្ត Tesla ផងដែរ ដោយលើកបានលើកឡើងថា ខ្ទង់ចំណាយលើការផលិតរថយន្តមួយគ្រឿងគឺជាតួលេខសំខាន់ដែលត្រូវតាមដានក្នុងរយៈពេលប៉ុន្មានឆ្នាំទៀត។

ប្រធានផ្នែករូបនេះបានបង្ហាញថាកាលពីឆ្នាំ២០១៧ Tesla បានចំណាយ ៨៤ ០០០ដុល្លារ លើការផលិតរថយន្តមួយគ្រឿងៗ ហើយការចំណាយនេះបានធ្លាក់ចុះមកនៅត្រឹម ៣៦ ០០០ដុល្លារ ក្នុងមួយគ្រឿង នៅអំឡុងប៉ុន្មានត្រីមាសចុងក្រោយនេះ។ ការធ្លាក់ថ្លៃនៃខ្ទង់ចំណាយនេះដែរ មិនមានពាក់ព័ន្ធនឹងការថយចុះនៃតម្លៃអាគុយរថយន្តនោះទេ។

ផ្ទុយទៅវិញ Tesla បានផលប្រយោជន៍ពីការឌីហ្សាញរថយន្តដែលកាន់តែប្រសើរឡើង ធ្វើឲ្យការផលិតរថយន្តកាន់តែងាយស្រួល រួមទាំងការឌីហ្សាញរោងចក្រថ្មីផងដែរ។ លោក Martin បន្ថែមថារោងចក្រដំបូងរបស់ Tesla នៅរដ្ឋ California មិនមែនជាតំបន់ល្អក្នុងការផលិតរថយន្តអគ្គិសនីនោះទេ ដោយមានទីតាំងដទៃទៀតធ្វើឲ្យការចំណាយលើការផលិតមានការថយចុះ ដូចជានៅទីក្រុងសៀងហៃ និងទីក្រុងប៊ែរឡាំងជាដើម។

យ៉ាងណាក្ដី Tesla នៅតែចង់បន្តកាត់បន្ថយខ្ទង់ចំណាយលើការផលិតរថយន្តមួយគ្រឿងៗ ដោយជាមួយរោងចក្រថ្មីៗបង្កើនការផលិតរថយន្តបន្ថែមទៀត នោះ Tesla នឹងអាចផលិតរថយន្តដោយចំណាយមិនដល់ ៣៦ ០០០ដុល្លារ ឡើយក្នុងមួយគ្រឿង៕

ផ្ទាំងផ្សាយពាណិជ្ជកម្ម

Ferrari គ្រោងបិទលែងទទួលការកុម្ម៉ង់ឡាន Purosangue ឆាប់ៗនេះ

September 15, 2022

[ទីផ្សារបរទេស] Ferrari បានទទួលស្គាល់ថាខ្លួនប្រហែលជាត្រូវបិទការកុម្ម៉ង់ទិញរថយន្ត Purosangue ទោះបីជារថយន្ត SUV នេះទើបតែបង្ហាញវត្តមានជាផ្លូវការក្ដី។

បន្ទាប់ពី Ferrari បញ្ជាក់ថារថយន្ត Purosangue នឹងមានបំពាក់ម៉ាស៊ីន១២ស៊ីឡាំង និងមុនការប្រកាសចេញជាផ្លូវការ នាយកផ្នែកពាណិជ្ជកម្ម និងទីផ្សាររបស់ Ferrari លោក Enrico Galliera បានបង្ហាញថាតម្រូវការសម្រាប់រថយន្ត SUV បានផ្ទុះឡើង។

ប្រធានផ្នែករូបនេះលើកឡើងថា ៖ “យើងប្រឈមមុខនឹងបញ្ហាផ្គត់ផ្គង់ ហើយយើងប្រហែលជានឹងត្រូវបិទការកុម្ម៉ង់ឆាប់ៗនេះ”។

Ferrari មិនបានបង្ហាញថាទទួលបានការកុម្ម៉ង់ប៉ុន្មានគ្រឿងនោះទេសម្រាប់រថយន្ត Purosangue ប៉ុន្តែការផលិតនៃរថយន្តនេះនឹងកំណត់យកត្រឹម ២០% នៃទំហំផលិតសរុបរបស់ Ferrari ជាប្រចាំឆ្នាំ ដែលស្មើប្រមាណ ៣០០០គ្រឿង ក្នុងមួយឆ្នាំ។

ត្រង់ចំណុចនេះលោក Enrico បានបញ្ជាក់ថា ៖ “យើងមានការប្ដេជ្ញាចំពោះអតិថិជនយើង ទោះបីជាមានតម្រូវការខ្ពស់ យើងនឹងគ្រប់គ្រងលើទំហំផលិត ជារឿងមួយដែលយើងបានប្រកាន់ខ្ជាប់ ជាមួយបេសកកម្មរបស់ស្ថាបនិក គឺរក្សាភាពផ្ដាច់មុខនៃរថយន្តរបស់យើង។ ហើយវិធីតែមួយគត់ដើម្បីរក្សាភាពផ្ដាច់មុខនេះគឺគ្រប់គ្រងលើតម្រូវការ និងការផ្ដល់ជូន”។

ប្រធានផ្នែកដដែលនេះបានបន្ថែមថារថយន្ត Purosangue បានទាក់ទាញអតិថិជនថ្មីៗជាច្រើនមកកាន់ម៉ាក Ferrari ប៉ុន្តែលោកបញ្ជាក់ថាអតិថិជនចាស់ៗនឹងទទួលបានរថយន្ត SUV ថ្មីនេះមុនគេ៕

ផ្ទាំងផ្សាយពាណិជ្ជកម្ម

Honda CR-V ស៊េរីឆ្នាំ២០២៣ ឡើងថ្លៃលើសមុនជាង ៤ពាន់ដុល្លារ

September 14, 2022

[ទីផ្សារបរទេស] ក្រុមហ៊ុន Honda ប្រចាំនៅសហរដ្ឋអាមេរិកនាថ្ងៃនេះបានបង្ហាញចេញរថយន្ត CR-V ជំនាន់ថ្មី ស៊េរីឆ្នាំ២០២៣ ដែលនឹងមានតម្លៃថ្លៃលើសស៊េរីបច្ចុប្បន្នកំពុងលក់លើទីផ្សារសហរដ្ឋអាមេរិក។

រថយន្ត CR-V ស៊េរី២០២២ ប្រភេទ Base ឈ្មោះថា LX ដែលមានតម្លៃចាប់ពី ២៨ ០៤៥ដុល្លារ ប៉ុន្តែពេលនេះប្រភេទ LX ត្រូវបានដកចេញហើយ ដោយចាប់ផ្ដើមឡើងជាមួយ EX 2WD តែម្ដង ដោយវាមានតម្លៃចាប់ពី ៣២ ៣៥៥ដុល្លារ ដែលធ្វើឲ្យតម្លៃចាប់ផ្ដើមនៃ CR-V ស៊េរីថ្មីថ្លៃជាងស៊េរីឆ្នាំមុន ចំនួន ៤៣១០ដុល្លារ។

យ៉ាងណា បើប្រៀបទៅនឹង CR-V EX កាលពីឆ្នាំមុន វាមានតម្លៃចាប់ពី ៣០ ៥៥៥ដុល្លារ ដែលធូរថ្លៃជាងស៊េរី២០២៣ ចំនួន ១៨០០ដុល្លារ។ ប៉ុន្តែជាមួយអេក្រង់ Touch ទំហំ៧អ៉ីញ និងម៉ាស៊ីនថ្មីដែលផលិតកម្លាំងបាន ១៩០សេះ ជាមួយការដុសខាត់បន្ថែមទៀត Honda សង្ឃឹមថាការឡើងថ្លៃនេះនឹងអាចទទួលយកបាន។

អតិថិជនដែលចង់បានជម្រើសដែលស៊ីសាំងតិច Honda មានផ្ដល់ជូនប្រភេទម៉ាស៊ីន Hybrid ដែលគួបផ្សំគ្នាអាចផលិតកម្លាំងបាន ២០៤សេះ និងមានកម្រិតស៊ីប្រេងត្រឹម ៥,៤លីត្រ ក្នុងការបើកបរ១០០គីឡូម៉ែត្រនៅក្នុងក្រុង ដែលកម្រិតប្រេងនេះគឺសន្សំសំចៃប្រេងបាន ៥៣% ធៀបនឹងម៉ាស៊ីន ១,៥លីត្រ ធម្មតា។

Honda CR-V ស៊េរីឆ្នាំ២០២៣ ក៏មានជម្រើសប្រភេទតម្លៃថ្លៃឈ្មោះថា Sport Touring ដែលមានយ៉ាន់ទំហំ ១៩អ៉ីញ, មានឧបករណ៍បំពងសំឡេង Bose ចំនួន១២គ្រាប់, ប្រព័ន្ធបង្ហាញផ្លូវផ្កាយរណប និងមុខងារពិសេសៗដទៃទៀត ដោយមានតម្លៃចាប់ពី ៣៩ ៨៤៥គ្រឿង៕

ផ្ទាំងផ្សាយពាណិជ្ជកម្ម

SUV ដំបូងរបស់ Ferrari ប្រកាសចេញផ្លូវការ កម្លាំងខ្លាំងដល់ ៧១៥សេះ

September 14, 2022

[ទីផ្សារបរទេស] នៅទីបំផុតក្រុមហ៊ុន Ferrari បានបង្ហាញចេញរថយន្ត SUV ដំបូងរបស់ខ្លួនជាម៉ូដែល Purosangue មានរូបរាងយ៉ាងសង្ហារដែលយកលំនាំតាមរថយន្ត Roma និងមានល្បឿនអតិបរមារហូតដល់ ៣១០គ.ម/ម៉ ដោយប្រើម៉ាស៊ីន១២ស៊ីឡាំង។

ចំណុចទាក់ទាញខ្លាំងរបស់រថយន្ត Purosangue នេះគឺវាមានកម្លាំងខ្លាំងក្លាជាងរថយន្ត SUV ប្រណីតមួយចំនួនទៀត ដោយម៉ាស៊ីន ៦,៥លីត្រ ១២ស៊ីឡាំង របស់វាអាចផលិតកម្លាំងបានដល់ ៧១៥សេះ និងមានកម្លាំងរង្វិលជុំ ៨២៥០ជុំក្នុងមួយនាទី។ ម៉ាស៊ីននេះភ្ជាប់ជាមួយប្រព័ន្ធបើកបរប៉ុងពីរ ជាមួយប្រអប់លេខប្រភេទ Dual-Clutch ៨វគ្គ។

រថយន្ត Aston Martin DBX707 មានកម្លាំងប្រហាក់ប្រហែលនឹង Purosangue ដោយផលិតកម្លាំងបាន ៦៩៧សេះ ប៉ុន្តែមិនមានម៉ាស៊ីន១២ស៊ីឡាំងឡើយ។ ចំណែក Lamborghini Urus Performante អាចផលិតកម្លាំងបានត្រឹម ៦៥៧សេះប៉ុណ្ណោះ។ ដោយឡែករថយន្ត Bentley Bentagya មានម៉ាស៊ីន១២ស៊ីឡាំង ប៉ុន្តែផលិតកម្លាំងបានត្រឹម ៦២៦សេះ។

យ៉ាងណាក្ដី ទាំងរថយន្ត DBX707 និង Urus Performante សុទ្ធតែអះអាងថាមានសន្ទុះស្មើនឹងរថយន្ត Purosangue ដោយស្ទុះពី ០ ដល់ ១០០គ.ម/ម៉ ក្នុងពេលត្រឹម ៣,៣វិនាទី ខណៈដែលរថយន្ត DBX តែមួយប៉ុណ្ណោះអាចរត់ដល់ល្បឿន ៣១០គ.ម/ម៉។

Ferrari មិនទាន់បានប្រកាសចេញតម្លៃសម្រាប់ SUV ដំបូងរបស់ខ្លួននោះទេ ប៉ុន្តែវាទំនងជាមានតម្លៃក្បែរ ៤០ម៉ឺនដុល្លារ ដែលធ្វើឲ្យវាថ្លៃជាងរថយន្ត SUV មហាកម្លាំងដទៃទៀតដែលមានលក់លើទីផ្សារ៕

ផ្ទាំងផ្សាយពាណិជ្ជកម្ម

ឡានក្រុងអគ្គិសនី MOGO BUS បើកបរដោយស្វ័យប្រវត្តិ បង្ហាញរូបរាងជាផ្លូវការក្នុងប្រទេសចិន

September 14, 2022

[បរទេស] ក្រុមហ៊ុន Mushroom Car Link និង Xiamen Jinlong Wagon នៅក្នុងប្រទេសចិនរួមគ្នាធ្វើការដាក់បង្ហាញចេញនៅរថយន្ត MOGO BUS ដែលជារថយន្តក្រុងបើកបរដោយស្វ័យប្រវតិ្តនៅក្នុងប្រទេសចិន។

MOGO BUS គឺជាឡានក្រុងអគ្គិសនី ដែលត្រូវបានបំពាក់ដោយបច្ចេកវិទ្យាបើកបរដោយស្វ័យប្រវត្តិកម្រិត L4 ដោយមិនពឹងផ្អែកលើអ្នកបើកបរ ដូច្នេះរថយន្តនេះមិនត្រូវការដៃចង្កូតទេ។ រថយន្តក្រុងអគ្គិសនី MINI Bus EV ចែកចេញជា ២ ម៉ូដែលគឺ MOGO BUS M1 និង MOGO BUS M2 ដែលរថយន្តក្រុងបើកបរដោយស្វ័យប្រវត្តិទាំងអស់។

ម៉ូដែលទាំងពីរនេះត្រូវបានបំពាក់ដោយកម្មវិធី full stack software និងកម្មវិធី self-developed Mushroom Car Alliance hardware solution ដែលបង្កើតដោយខ្លួនឯង ដែលគណនា និងដំណើរការស្ថានភាពចរាចរណ៍ក្នុងទីក្រុងប្រកបដោយប្រសិទ្ធភាព ដើម្បីអាចបំពេញតាមកម្រិតនៃការបើកបរដោយស្វ័យប្រវត្តិកម្រិត ៤។

MOGO BUS ត្រូវបានបំពាក់ដោយសមត្ថភាពចាប់វត្ថុដែលមានចម្ងាយ ២០០ ម៉ែត្រ វាក៏ភ្ជាប់មកជាមួយកាមេរ៉ាទិដ្ឋភាព ៣៦០ ដឺក្រេ ចម្ងាយឆ្ងាយបំផុត, ប្រព័ន្ធរុករកផ្កាយរណប GNSS កម្រិតខ្ពស់ និងប្រព័ន្ធ SLAM laser navigation ដោយធ្វើឲ្យវាអាចកំណត់ទីតាំងបានយ៉ាងឆាប់រហ័សក្នុងពេលវេលាជាក់ស្តែង។ ខណៈប្រព័ន្ធមុខងារ Mogo AutoPilot និង Mogo Auto Brain ភ្ជាប់មកជាមួយថាមពលដំណើរការ 1000 TOPS ៕

ផ្ទាំងផ្សាយពាណិជ្ជកម្ម

គួរឲ្យសោកស្តាយ! ភីកអាប់ Ram 1500 ប្រភេទ EcoDiesel នឹងអស់ជីវិតនៅដើមឆ្នាំក្រោយ

September 14, 2022

[បរទេស] រថយន្តភីកអាប់ Ram 1500 ស៊េរីឆ្នាំ ២០២៣ នឹងលែងផ្តល់ជម្រើសម៉ាស៊ីនម៉ាស៊ូត (EcoDiesel) ទៀតហើយ បន្ទាប់ពីខែមករា ឆ្នាំ ២០២៣ ប៉ុន្តែនៅតែផ្តល់ពេលដល់អតិថិជនដើម្បីបញ្ជាទិញម៉ូដែលនេះ។

គួរឲ្យដឹងថា ម៉ូដែលនេះត្រូវបានដាក់បង្ហាញជាលើកដំបូងនៅក្នុងឆ្នាំ ២០១៣ ប៉ុន្តែការផលិតនឹងត្រូវបញ្ចប់នៅក្នុងខែមករា ដោយសារក្រុមហ៊ុនផលិតរថយន្តបានបង្វែរទៅប្រើប្រាស់ថាមពលអគ្គិសនីវិញ។ ជាលទ្ធផល ក្រុមហ៊ុនកំពុងចេញ “រថយន្តជាលើកចុងក្រោយ” សម្រាប់អ្នកគាំទ្រជម្រើសម៉ាស៊ីនម៉ាស៊ូត ដើម្បីទទួលបានការបញ្ជាទិញរបស់ពួកគេ និងធានាបាននៅរថយន្ត EcoDiesel ចុងក្រោយបង្អស់ដែលត្រូវបានផលិត។

សម្រាប់ឆ្នាំម៉ូដែលចុងក្រោយឆ្នាំ ២០២៣ ម៉ាស៊ីន EcoDiesel នឹងត្រូវបានផ្តល់ជូននៅលើរថយន្តប្រភេទ Crew Cab 4×4 នៃម៉ូឌែល Tradesman, Big Horn/Lone Star, Laramie, Limited Longhorn និង Limited Trims ។ ក្នុងនោះ Ram មិនទាន់បញ្ចេញតម្លៃនៅឡើយទេ ប៉ុន្តែម៉ាស៊ីនចំណុះ ៣,០ លីត្រ EcoDiesel V6 លីត្រ អាចផលិតកម្លាំងបាន ២៦០ សេះ និងកម្លាំងរមួល ៦៥១ ញ៉ូតុនម៉ែត្រ។

ក្នុងនោះ នាយកប្រតិបត្តិ Ram លោក Mike Koval Jr បាននិយាយថា “នៅពេលដែលយើងឈានឆ្ពោះទៅអនាគតជាមួយថាមពលអគ្គិសនី យើងចង់ផ្តល់នូវការចង់ចាំសម្រាប់ EcoDiesel ចុងក្រោយនេះ ដោយផ្តល់ជូនអ្នកគាំទ្រជម្រើសម៉ាស៊ីនម៉ាស៊ូតរបស់យើងនៅឱកាសចុងក្រោយដើម្បីបញ្ជាឡានដែលពួកគេចូលចិត្ត។” លោកក៏បានបន្តថា Ram 1500 EcoDiesel “បានធ្វើឱ្យអ្នកប្រើប្រាស់រីករាយជាមួយនឹងកម្រិតកម្លាំងបង្វិលនៃម៉ាស៊ីនម៉ាស៊ូតនៃរថយន្តប្រភេទមួយកន្លះតោនខ្ពស់បំផុត និងសមត្ថភាពអូសទាញ ខណៈដែលគាត់ជាអ្នកដំបូងដែលមានបើកបរចម្ងាយលើសពី ១ ៦០៩ គីឡូម៉ែត្រ” ។

ខណៈពេលដែលម៉ាស៊ីនម៉ាស៊ូតគ្រោងនឹងឈប់ផលិត ក្រុមហ៊ុន Ram បានបញ្ជាក់ថារថយន្ត Ram 1500 ប្រភេទអគ្គិសនីនឹងមកដល់នៅឆ្នាំ ២០២៤ ហើយគ្រប់ផ្នែកទាំងអស់នឹងក្លាយជាម៉ូឌែលអគ្គិសនីនៅឆ្នាំ ២០៣០” ។

វានឹងក្លាយជារឿងដ៏អាក្រក់មួយដែលឃើញម៉ាស៊ីន EcoDiesel ឈប់ផ្តល់ជូន ប៉ុន្តែម៉ាស៊ីនម៉ាស៊ូតបានក្លាយទៅជាកម្រមានក្នុងចំណោមរថយន្តភីកអាប់ធុនធ្ងន់ ខណៈដែលក្រុមហ៊ុន Ford បានដកចេញនូវម៉ាស៊ីនចំណុះ ៣,០ លីត្រ Power Stroke V6 នៅឆ្នាំ ២០២១ផងដែរ៕