បន្ទាប់ពីបានប្រកាសចេញរថយន្ត Taycan Cross Turismo រួចមក ក្រុមហ៊ុន Porsche មិនឲ្យចាំយូរនោះទេ ដោយអនុញ្ញាតឲ្យអតិថិជនជ្រើសរើស Option ផ្សេងៗបាន នៅលើវេបសាយរបស់ខ្លួនតែម្តង។
នៅលើវេបសាយនោះ អ្នកអាចជ្រើសរើសពណ៌, យ៉ាន់, កាប៊ីនខាងក្នុង និង Option បន្ថែមផ្សេងៗទៀត ហើយអាចជ្រើសរើសបាន ៤ ម៉ូដែល ដោយក្នុងនោះរួមមាន Taycan 4 Cross Turismo, Taycan 4S Cross Turismo, Taycan Turbo Cross Turismo និង Taycan Turbo S Cross Turismo។
រថយន្ត Taycan 4 Cross Turismo មានកម្លាំង ៤៦៩សេះ ហើយមានតម្លៃចាប់ពី ៩០ ៩០០ដុល្លារ ខណៈម៉ូដែល Taycan 4S Cross Turismo មានកម្លាំង ៥៦២សេះ ហើយមានតម្លៃ ១១០ ៣០០ដុល្លារ។
ជាមួយគ្នានេះ Taycan Turbo Cross Turismo ដែលមានកម្លាំង ៦៧០សេះ ត្រូវបានដាក់លក់ក្នុងតម្លៃ ១៥៣ ៥០០ដុល្លារ ហើយ Taycan Turbo S Cross Turismo ដែលមានកម្លាំង ៧៥០សេះ មានតម្លៃ ១៨៧ ៦០០ដុល្លារ។
តួលេខខាងលើនេះគឺគ្រាន់តែជាតម្លៃចាប់ផ្តើមប៉ុណ្ណោះ ព្រោះថា Porsche ផ្តល់នូវ Option ជាច្រើនផ្សេងទៀត ដូចជា ទឹកថ្នាំពណ៌ខៀវ Neptune Blue តម្លៃ ៣ ១៥០ដុល្លារ, យ៉ាន់ ២១អ៊ីញ ផលិតពី Carbon Fiber តម្លៃ ៤ ៥១០ដុល្លារ, ពូកស្បែក Olea Club តម្លៃ ២ ៤៥០ដុល្លារ, Dynamic Chassis Control តម្លស ៣ ៥៩០ដុល្លារ បូកផ្សំនឹងហ្វ្រាំង Ceramic Composite Brake និងចង្កៀងមុខ LED Matrix Headlights ព្រមទាំង Night Vision និងគ្រឿងលេងផ្សេងទៀត ធ្វើឲ្យរថយន្តនេះឡើងថ្លៃដល់ទៅ ២៧២ ២២៩ដុល្លារឯណោះ៕
