[បរទេស] រថយន្ត Suzuki Jimny ត្រូវបានក្រុមហ៊ុនកែថ្នៃរថយន្តមានឈ្មោះថា ESB បានផ្តល់ជូននៅគ្រឿងតែងខ្លួនដល់រថយន្តនេះជាមួយកញ្ចប់ពីរផ្សេងគ្នារួមមាន LST package មានតម្លៃ ៤ ៤៦៩ ដុល្លារ និង LST-Up package មានតម្លៃលក់ចាប់ពី ២ ៩៣៩ ដុល្លារ។
ឈុតតួខ្លួន មានលក្ខណៈពិសេសបន្ថែមលើប៉ាណាមុខដែលមើលទៅមានទម្រង់មុខបែបអំណាច, ថាសកង់ស្ព័រ CLS TC01 ទំហំ ១៦ អ៊ីញពណ៌ស បន្ថែមជាមួយ របាំងការពារភក់ (bolt-on wide fender), កាង spoiler និងបំពង់ស៊ីមាំង muffler ។
ភាពខុសប្លែកគ្នាដ៏សំខាន់បំផុតគឺការតម្លើងកម្ពស់ និងប្រព័ន្ធ suspension ដោយកញ្ចប់ LST package បង្ហាញពីប៉ូម Springs បានទម្លាក់ ៤០ ម.ម ដល់ ៩០ ម.ម និង LST-Up ទទួលបានការលើក ៧៦ ម.ម ។ លើសពីនេះ កង់មានសំបកកង់ខុសៗគ្នា ដោយ LST ប្រើប្រាស់សំបកកង់ប្រភេទ 195/50R16 Nankang slicks ហើយ LST-Up ទទួលបានសំបកកង់ប្រភេទ grippier 245/70R16 Maxis។
ដោយកញ្ចប់ LST ភ្ជាប់មកជាមួយកាងខាងមុខកាន់តែអំណាច និងមានលក្ខណៈបែបស្ព័រដែលភ្ជាប់ទៅនឹងរបាំងការពារភក់ទំហំធំ។ ម៉្យាងវិញទៀត LST-Up បំពាក់នៅកាងស្តើងជាងមុន ដែលបង្ហាញនៃប្រព័ន្ធ suspension និងសំបកកង់។ បន្ថែមពីនេះ LST ក៏ត្រូវបានបំពាក់ជាមួយនឹងផ្នែកបន្ថែមកាងចំហៀងផងដែរ ខណៈដែល LST-Up ទទួលបានការបន្ថែមនៅប៉ាណាមុខបន្ថែម និងបន្ទះការពារដែលដាក់នៅលើកាង។
ទាក់ទងនឹងផ្នែកម៉ាស៊ីនវិញ Suzuki Jimny នៅក្នុងប្រទេសជប៉ុន នៅតែអាចប្រើបានជាមួយម៉ាស៊ីនចំណុះ ១,៥ លីត្រ turbocharged ទំហំ ៣ ស៊ីឡាំង អាចផលិតបាន ៦៣ សេះ ឬម៉ាស៊ីនចំណុះ ១,៥ ទំហំ ៤ ស៊ីឡាំង ផលិតកម្លាំងបាន ១០១ សេះ៕
