[បរទេស] ក្រុមហ៊ុនផលិតរថយន្ត Suzuki បាននាំយកគំរូរថយន្ត Suzuki Swift ជំនាន់ទី ៤ ដែលទទួលបានការឌីស្សាញឡើងវិញទាំងស្រុងទាំងផ្នែកខាងក្នុង និងផ្នែកខាងក្រៅ នៅឯពិរព័ណ៌រថយន្ត Japan Mobility Show 2023 ដែលកំពុងធ្វើឡើងនៅប្រទេសជប៉ុន ។
សម្រាប់គំរូ Suzuki SWIFT Concept ទទួលបានការរចនាថ្មីទាំងស្រុង រួមទាំងចង្កៀងមុខថ្មីដែលមានអំពូលបំភ្លឺពេលថ្ងៃរាងអក្សរ L និងប៉ាណាមុខរាងជាសំណាញ់ ព្រមទាំងប្រើប្រាស់នៅថាសកង់ស្ព៏រ និងចង្កៀងក្រោយក៏ជាប្រភេទ LED ។ លើសពី Suzuki និយាយថា Swift ថ្មីត្រូវបានភ្ជាប់មកជាមួយប្រព័ន្ធជំនួសការអ្នកបើកបរ ADAS ទៀតផង។
ចំពោះនៅផ្នែកខាងក្នុងវិញ ក៏ទទួលបានការឌិស្សាញថ្មី ផ្តល់នៅភាពទាន់សម័យជាងមុន ដោយនៅលើតាប្លូមានកុងទ័របង្ហាញព័ត៌មាឌីជីដល និងអេក្រង់កំសាន្ត touchscreen រចនាបែបបញ្ឈរជាដើម ។ វាក៏ត្រូវបានបំពាក់ដោយប្រព័ន្ធសុវត្ថិភាពទំនើបៗជាច្រើនដូចជា ប្រព័ន្ធហ្វ្រាំងស្វ័យប្រវត្តិ (Dual Sensor Brake Support II) ប្រព័ន្ធធ្នឹមខ្ពស់ស្វ័យប្រវត្តិ (ប្រព័ន្ធ Adaptive High Beam System) និងប្រព័ន្ធត្រួតពិនិត្យអ្នកបើកបរ (Driver Monitoring System) ជាដើម។
គួរបញ្ជាក់ផងដែរថា Suzuki មិនទាន់បង្ហាញព័ត៌មានលម្អិតអំពីកម្លាំងម៉ាស៊ីនថ្មីរបស់ SWIFT នៅឡើយទេ ប៉ុន្តែគេរំពឹងថាវានឹងនៅតែមានម៉ាស៊ីនកូនកាត់ hybrid ជាមួយនឹងម៉ាស៊ីនចំហេះក្នុងផងដែរ ៕
