រយៈពេលត្រឹមតែប៉ុន្មានខែប៉ុណ្ណោះ បន្ទាប់ពីរថយន្ត Model Y បានចេញលក់ជាផ្លូវការ ក្រុមហ៊ុន Tesla បានបញ្ចុះតម្លៃរហូតដល់ទៅ ៣ ០០០ដុល្លារ សម្រាប់ទីផ្សារសហរដ្ឋអាមេរិក។
បច្ចុប្បន្ន Model Y មានជម្រើស ២ ម៉ូដែល គឺ Long Range និង Performance។ ដោយសារតែការបញ្ចុះតម្លៃខាងលើ ធ្វើឲ្យរថយន្ត Model Y Long Range នៅសល់តម្លៃត្រឹមតែ ៤៩ ៩៩០ដុល្លារប៉ុណ្ណោះ ខណៈតម្លៃដើមគឺ ៥២ ៩៩០ដុល្លារ។ ចំណែកឯ Model Y Performance វិញមានតម្លៃចាប់ពី ៥៩ ៩៩០ដុល្លារ ក៏ចុះមកសល់ត្រឹមតែ ៥៦ ៩៩០ដុល្លារ។
ផ្ទាំងផ្សាយពាណិជ្ជកម្ម
គួរឲ្យដឹងថា ការបញ្ចុះតម្លៃនេះមិនមែនជារឿងចម្លែកសម្រាប់ Tesla ឡើយ ដោយក្រុមហ៊ុនរថយន្តអគ្គិសនីមួយនេះ ធ្លាប់បញ្ចុះតម្លៃ Model S និង Model X រហូតដល់ទៅ ៥ ០០០ដុល្លារ ហើយ Model 3 ចុះបាន ២ ០០០ដុល្លារដែរ កាលពីខែមេសាកន្លងទៅនេះ៕
ផ្ទាំងផ្សាយពាណិជ្ជកម្ម
