[បរទេស] កាលពីពេលថ្មីៗ កន្លងទៅនេះ ប្រទះឃើញនៅរូបភាពរបស់រថយន្ត Wuling Nebula ប្រភេទ SUV ប្រើប្រាស់នៅម៉ាស៊ីនកូនកាត់ hybrid មុនពេលបង្ហាញខ្លួនជាផ្លូវការនៅថ្ងៃទី ១៦ ខែសីហា ឆ្នាំ ២០២៣ ។
រថយន្តនេះ មានប្រវែងតួខ្លួនសរុប ៤ ៦១០ ម.ម ទទឹង ១ ៨១០ ម.ម កំពស់ ១ ៦៧០ ម.ម និងប្រវែងគន្លាតកង់មុខ-ក្រោយ ២ ៧០០ ម.ម ។ ការរចនាផ្នែកខាងក្រៅរបស់ WULING NEBULA បំពាក់នៅប៉ាណាខាងមុខដែលបានរចនាថ្មី ជាប់សងខាងដោយចង្កៀងមុខ LED និងចង្កៀងក្រោយប្រភេទ LED អូសកាត់ពីផ្នែកម្ខាងទៅផ្នែកម្ខាង, កាងខាងក្រោយពណ៌ខ្មៅជាមួយនឹងបំពង់ស៊ីមាំងរចនាថ្មីជាដើម ។
ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីន hybrid ធ្វើការរួមគ្នាជាមួយម៉ាស៊ីនសាំងចំណុះ ២,០ លីត្រ ផ្គួបជាមួយម៉ូទ័រអគ្គិសនី អាចផលិតកម្លាំងបាន ១៣៤ សេះ ប្រភេទបើកបរប៉ុង ២ all-wheel drive ។ ខណៈផ្នែកខាងក្នុងនៅមុនទាន់ព័ត៌មានលម្អិតនៅឡើយទេ មានតែរងចាំរថយន្តនេះបង្ហាញខ្លួនជាផ្លូវការខាងមុខនេះ ៕
