ក្រុមហ៊ុនផលិតរថយន្ត Xpeng បានធ្វើការដាក់បង្ហាញចេញជាផ្លូវការនូវលក្ខណៈពិសេសរបស់រថយន្តអគ្គិសនីសុទ្ធ Xpeng Mona 03 ថ្មីរបស់ខ្លួន ផ្តល់នូវជម្រើសបើកបរចំនួន ១២ជម្រើស ត្រៀមប្រកាសចេញជាផ្លូវការនៅក្នុងពេលឆាប់ៗខាងមុខនេះ នៅក្នុងទីផ្សារប្រទេសចិន។
រថយន្តអគ្គិសនីសុទ្ធ Xpeng Mona 03 ថ្មីរបស់ក្រុមហ៊ុនផលិតរថយន្ត Xpeng នេះ ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២១៥សេះ ផ្គួបជាមួយជម្រើសអាគុយទំហំ ៥១,៨គីឡូវ៉ាត់ម៉ោង, ៦១,៦គីឡូវ៉ាត់ម៉ោង និង ៦២,២គីឡូវ៉ាត់ម៉ោង។ វាអាចបើកបរបានចម្ងាយចាប់ពី ៤៨៥ ទៅ ៦៤០គីឡូម៉ែត្រ នៅពេលសាកថ្មពេញម្តង។
ទាក់ទងទៅនឹងការរចនាផ្នែកខាងក្រៅវិញ Xpeng Mona 03 រក្សានូវរូបរាង fastback របស់ម៉ូដែលបច្ចុប្បន្នដដែល។វាមានប្រវែង ៤ ៧៨៥មម ទទឹង ១ ៨៩៦មម កម្ពស់ ១ ៤៤៥មម និងប្រវែងគម្លាតកង់ ២ ៨១៥មម។
ក្រៅពីនេះ ក៏ទទួលបាននូវប្រព័ន្ធជំនួយការអ្នកបើកបរកម្រិតខ្ពស់ និងជម្រើសថាសកង់ប្រភេទ 215/50R18 និង 235/40R19 ផងដែរ៕
