ម៉ាកយីហោរថយន្តអគ្គិសនីលំដាប់ខ្ពស់របស់ក្រុមហ៊ុន Geely ម៉ូដែល Zeekr 9x គ្រោងនឹងបង្ហាញររបស់ខ្លួន លើកដំបូងនៅក្នុងព្រឹត្តិការណ៍ពិព័រណ៍រថយន្តសៀងហៃឆ្នាំ២០២៥។ ម៉ូដែលនេះអាចចាត់ទុកថាជារថយន្តទំនើបក្នុងត្រកូល Zeekr រថយន្តនេះមានទាំងជម្រើសប្រើបាស់ប្រភេទអគ្គិសនីសុទ្ធនិងប្រើប្រាស់អគ្គិសនីលាយសាំង plug-in hybrid ជាពិសេសប្រើជាមួយបច្ចេកវិទ្យា Zeekr Super Hybrid ថ្មី។
.jpg)
រថយន្ដ Zeekr 9x ប្រើប្រាស់អគ្គិសនីសុទ្ធ ត្រូវបានគេរំពឹងថានឹងបន្ថែមរយៈចម្ងាយធ្វើដំណើរប្រហែល ៥០០គីឡូម៉ែត្រ ចំណែកប្រភេទ plug-in hybrid ដំណើរដោយម៉ាសុី ២.០ រួមជាមួយម៉ូទ័រអគ្គិសនីចំនួន២។ រថយន្ដនេះអាចបើកបរបានរយៈចម្ងាយជាង ១ ៥០០គីឡូម៉ែត្រ នៅប្រើប្រាស់អគ្គិសនីលាយជាមួយសាំង។
រថយន្ត Zeekr 9X ត្រូវបានគេរំពឹងថានឹងមានលក្ខណៈស្រដៀងគ្នាជាមួយរថយន្ត Lynk & Co 900 ដោយវាមានប្រវែងតួខ្លួនសរុប ៥ ២៩០មម និងគម្លាតកង់មុខក្រោយប្រវែង ៣ ២០២០មម។ រថយន្ត 9X អាចផ្ទុកអ្នកដំណើរបានប្រាំមួយ ឬប្រាំពីរនាក់ ជាមួយនឹងមុខងារកៅអីដែលអាចរុញ និងផ្អៀងបាន។
អ្វីកាន់តែពិសេសរថយន្ត 9X ដំណើរការដោយបន្ទះឈីប Thor ថ្មីរបស់ក្រុមហ៊ុន NVIDIA។ បច្ចេកវិទ្យាទំនើបនេះនឹងរួមបញ្ចូលសេនស័រកាមេរ៉ា និង LiDAR ដើម្បីអាចដំណើរការមុខងារបើកបរកម្រិត 3 ។ យ៉ាងណាមិញចំពោះការបង្ហាញរូបរាងជាផ្លូវ រួមជាមួយព័ត៌មានលម្អិត នឹងត្រូវបង្ហាញនៅក្នុងថ្ងៃពិព័រណ៍យានយន្តសៀងហៃឆ្នាំ២០២៥៕
