[ក្នុងស្រុក] ដោយនាពេលបច្ចុប្បន្នការធ្វើចរាចរណ៍យានយន្តរបស់សាធារណជន និងប្រជាពលរដ្ឋមួយចំនួនបានចូលប្រើប្រាស់ផ្លូវ ល្បឿនលឿនភ្នំពេញ-ព្រះសីហនុ ដែលពុំទាន់បានបញ្ចប់ការសាងសង់ និងបំពាក់គ្រឿងបរិក្ខាចរាចរណ៍នៅឡើយនោះ មានការកើនឡើងគួរឲ្យកត់សម្គាល់ និងបានបង្កឲ្យមានគ្រោះថ្នាក់ជាញឹកញាប់។
ក្នុងនោះដែរ ដើម្បីចៀសវាងការរំខានដល់ការដំណើរការសាងសង់បញ្ចប់គម្រោងទាន់តាមពេលវេលាដែលបានគ្រោងទុក និងចៀសវាងការបង្កគ្រោះថ្នាក់ក្នុងការធ្វើដំណើរ ក្រសួងសាធារណការនិងដឹកជញ្ជូនបានសម្រេចឲ្យក្រុមហ៊ុនសាងសង់ដែលត្រូវបានគេស្គាល់ថាជាក្រុមហ៊ុនសាជីវកម្មស្ពានថ្នល់ចិន (CRBC) បិទច្រកចេញចូលដោយមិនអនុញ្ញាតឲ្យយានយន្តគ្រប់ប្រភេទប្រើប្រាស់ផ្លូវល្បឿនលឿន ក្រៅពីយានយន្តដែលបម្រើការឲ្យគម្រោង និងយានយន្តមានតម្រូវការចាំបាច់ដែលមានការអនុញ្ញាតពីក្រសួងសាធារណការនិងដឹកជញ្ជូនចាប់ពីពេលនេះតទៅ៕
ដើម្បីជ្រាប់កាន់តែច្បាស់ សូមអានសេចក្តីជូនដំណឹងខាងក្រោម៖
