រថយន្ត Honda Civic Si ស៊េរីឆ្នាំ២០២២ បានបង្ហាញវត្តមានជាផ្លូវការកាលពីខែមុន ជាមួយការផ្លាស់ប្ដូរបន្តិចបន្តួចលើម៉ាស៊ីន Turbocharged ដែលមានចំណុះ ១,៥លីត្រ ៤ស៊ីឡាំង និងអាចផលិតកម្លាំងបាន ២០០សេះ។
ពេលនេះ Honda បានបង្ហាញចេញតម្លៃរថយន្តថ្មីសម្រាប់ទីផ្សារសហរដ្ឋអាមេរិក ដែលតម្លៃមានចាប់ពី ២៧ ៣០០ដុល្លារ ដោយមិនទាន់គិតបញ្ចូលថ្លៃដឹកជញ្ជូនដល់ទីតាំង។ បើប្រៀបនឹង Volkswagen Jetta GLI ដែលទើបប្រកាសចេញ គឺមានតម្លៃចាប់ពី ៣០ ៩៩៥ដុល្លារ សម្រាប់ម៉ាស៊ីនដែលមានកម្លាំង ២២៨សេះ។
ទន្ទឹមនឹងតម្លៃ Honda ក៏បានប្រកាសចេញកម្រិតស៊ីប្រេងនៃរថយន្ត Civic Si ឆ្នាំ២០២២នេះផងដែរ ដោយរំពឹងថាមានកម្រិតស៊ីប្រេង ៨,៧លីត្រ ក្នុងចម្ងាយ១០០គីឡូម៉ែត្រក្នុងក្រុង និងលើផ្លូវលាតស៊ីប្រេង ៦,៣លីត្រ ជាមួយកម្រិតស៊ីប្រេងជាមធ្យម ៧,៦លីត្រ។
គួរដឹងថា Honda Civic Si ឆ្នាំ២០២២ នឹងចេញលក់លើទីផ្សារសហរដ្ឋអាមេរិកនៅមុនដំណាច់ឆ្នាំ២០២១នេះ៕
