Ford នឹងធ្វើការបង្ហាញរថយន្ត SUV ថ្មីរបស់ខ្លួនគឺ Ford Bronco ស៊េរីឆ្នាំ២០២១ ជាផ្លូវការ នៅថ្ងៃទី១៣ ខែកក្កដា ឆ្នាំ២០២០ ហើយនឹងចាប់ផ្តើមបើកទទួលការកក់លុយតែម្តង។
Ford បានឲ្យដឹងថា អតិថិជនដែលចង់ក្លាយជាម្ចាស់រថយន្ត Bronco ថ្មីនេះ អាចកក់លុយត្រឹមតែ ១០០ដុល្លារប៉ុណ្ណោះ។ មិនតែប៉ុណ្ណោះ ពេលជិតចេញលក់ អតិថិជនទាំងអស់នឹងអាចជ្រើសរើស Option ហើយធ្វើការជាមួយឈ្មួញនៅក្នុងតំបន់ ដើម្បីបញ្ចប់ការទិញលក់។ ប៉ុន្តែប្រសិនបើពួកគេប្តូរចិត្ត មិនចង់ទិញវិញ ក៏អាចទទួលបានលុយកក់វិញដែរ។
ផ្ទាំងផ្សាយពាណិជ្ជកម្ម
រថយន្ត Ford Bronco ថ្មីនេះអាចនឹងផ្តល់ជម្រើសម៉ាស៊ីនចំនួន ២ គឺ ម៉ាស៊ីនចំណុះ ២,៣លីត្រ EcoBoost ទំហំ ៤ស៊ីឡាំង មានកម្លាំង ២៧០សេះ និង ម៉ាស៊ីនចំណុះ ២,៧លីត្រ EcoBoost V6 មានកម្លាំង ៣២៥សេះ។ គេរំពឹងថាវានឹងប្រើប្រអប់លេខអូតូ ១០វគ្គ ឬ លេខដៃ ៧វគ្គ៕
ផ្ទាំងផ្សាយពាណិជ្ជកម្ម
