បន្ទាប់ពីមានការកែសម្រួលពន្ធនាំចូលទៅលើរថយន្ត SUV លក្ខណៈគ្រួសារ យើងឃើញថា មានការទិញនូវរថយន្ត SUV កើនឡើងគួរអោយកាត់សម្គាល់ ។ ដោយឡែករថយន្តរបស់ តូយ៉ូតា ក៏មាននូវរថយន្តប្រភេទ SUV ខ្នាតតូចមួយដែរ ។ រថយន្តនោះ ត្រូវបានស្គាល់ថាជា TOYOTA RAIZE ដែលត្រូវបានស្គាល់ថា ជារថយន្តលក់ដាច់បំផុត នៅប្រទេស ជប៉ុន កាលពីឆ្នាំ ២០១៩ ក្រោយពីរថយន្តនេះ បានណែនាំ
អោយអតិថិជនស្គាល់នាពេលនោះ ។
រថយន្តប្រភេទ SUV តូចច្រឡឹង ដែលពោរពេញទៅដោយការរចនា ដើរទាន់សម័យ ការពេញនិយមរបស់យុវវ័យ និង ក្រុមគ្រួសារខ្នាតតូច មួយនេះ ត្រូវបានល្បីល្បាញទៅលើ បច្ចេកទេស និង រូបរាងស្រស់ស្អាតរបស់ខ្លួន រហូតដល់មានការ កក់ កម្ម៉ង់ និង ទិញ រហូតដល់មានចំនួនច្រើនលើសលប់ នៅក្នុងតំបន់អាស៊ី ដូចជា ឥណ្ឌូនេស៊ី ហ្វីលីពីន ជាដើម។
ក្នុងហេតុផលនេះ ទើបធ្វើអោយ ខាងសារព័ត៌មាន ខេមបូអូតូ ចង់ដឹងថា តើក្រុមហ៊ុន តូយ៉ូតា ខេមបូឌា នឹងត្រៀមខ្លួននាំយកនៅរថយន្តមួយនេះ មកក្នុងទីផ្សារកម្ពុជា ដែរឬទេ ? ជាហេតុនេះ ទើបធ្វើអោយយើងបានធ្វើការទាក់ទងទៅកាន់ ក្រុមហ៊ុន តូយ៉ូតា ខេមបូឌា ផ្ទាល់ចំពោះចំណោតខាងលើនេះ ។
ក្រុមហ៊ុន តូយ៉ូតា ខេមបូឌា បានផ្តល់ចម្លើយសម្រាប់ដោះនូវចម្ងល់នេះថា “ក្រុមហ៊ុន នឹងមានគម្រោងនាំយកនូវរថយន្ត SUV ខ្នាតតូចនេះ មកកម្ពុជា សម្រាប់អោយប្រជាជនបានប្រើប្រាស់ផងដែរ ដោយយោងលើតម្លៃ នឹងការរចនាដែលដើរទាន់សម័យកាលនេះ” ។
ងាកមកមើលចំនុចសំខាន់ៗនៃ រថយន្តដ៏តូចច្រឡឹងមាន តាមរយៈបណ្ដាញសង្គម យូធូបខាងក្រោមនេះ៖
ខាងក្រោមនេះគឺជាពត៌មានត្រួសៗ ដែលសារពត៌មានយើងធ្វើការសង្ខេបពី TOYOTA RAIZE ដែលកំពុងដាក់លក់នៅតាមបណ្ដាលប្រទេសនានា ៖
រថយន្ត TOYOTA RAIZE ធ្វើឡើងដោយ Daihatsu New Global Architecture (DNGA) ដែលមានបណ្តោយ ៤ ០៣០ ម.ម ទទឹងរថយន្ត ១ ៧១០ ម.ម កម្ពស់ ១ ៦៣៥ ម.ម គម្លាតកង់មុខក្រោយ ២ ៥២៥ ម.ម និងកំពស់ពីដី ២០០ ម.ម ។
ការរចនាផ្នែកខាងក្នុងមានពណ៌ខ្មៅ ព្រមនឹង អប់សិនប្រចាំនោះគឺ កុងទ័រ TFT បែប LCD ទំហំ ៧ អុីញ ម៉ាញ៉េ Touch Screen ទំហំ ៨ អ៊ីង ដែលមានភ្ជាប់ជាមួយនូវ Android Auto និង Apple CarPlay ក្នុងនោះដែរក៏មាន អប់សិន បញ្ជាសីតុណ្ហភាពស្វ័យប្រវត្តិថែមទៀតផង ។
កម្លាំងម៉ាស៊ីន ១.០L Turbo Charger ប្រ័ពន្ធប្រាំងជំនួយពេលឡើងចំណោត HAC (HILL-START ASSIST CONTROL) កាម៉េរាជំនួយពេលថយក្រោយ Back Monitor ប្រព័ន្ធជំនួយពេលដូរគន្លងផ្លូវ Lane Change Assist ប្រព័ន្ធ Smart Key ប្រព័ន្ធជំនួយការចូលចត Parking Assist និង ពោងសុវត្ថិភាព
ចំនួន 8 ។
សម្រាប់ព័ត៌មានថ្មីចុងក្រោយពាក់ព័ន្ធនៃរថយន្តនេះ អតិថិជនអាចចូលកាន់បណ្តាញទំនាក់ទំនងសង្គមរបស់ ក្រុមហ៊ុន តូយ៉ូតា (ខេមបូឌា) ដែលមានដូចជា Facebook Telegram Youtube Website Instagram
