តម្លៃនៃរបស់ Ford F-150 ស៊េរីឆ្នាំ២០២១ ត្រូវបានបែកធ្លាយនៅលើបណ្តាញអ៊ីនធឺណិត រយៈពេល៦សប្តាហ៍ បន្ទាប់ពីរថយន្តភីកអាប់ខ្នាតធំនេះ បានបង្ហាញខ្លួនជាផ្លូវការ។
តម្លៃបែកធ្លាយនោះបញ្ជាក់ថា F-150 ថ្មី នឹងមានតម្លៃចាប់ពី ២៨ ៩៥០ដុល្លារ សម្រាប់ម៉ូដែល XL ក្នុងតួខ្លួន Regular Cab, ៣៣ ០២៥ដុល្លារ សម្រាប់តួខ្លួន Supercab និង ៣៦ ៦៥០ដុល្លារ សម្រាប់តួខ្លួន Supercrew។ មិនខុសពី F-150 បច្ចុប្បន្នឡើយ ភីកអាប់ថ្មីនេះផ្តល់ជម្រើសរហូតដល់ទៅ ៤២ប្រភេទខុសៗគ្នា។
F-150 ឆ្នាំ២០២១ នឹងបំពាក់បច្ចេកវិទ្យាជំនួយការបើកបរ Ford Co-Pilot360 2.0 ដោយក្នុងនោះរួមមានមុខងារជាច្រើនព្រមទាំង Pre-Collision Assist with Automatic Emergency Braking, Pedestrian Detection, កាមេរ៉ាមើលក្រោយ, ចង្កៀងទម្លាក់និងដំឡើងអូតូ, ចង្កៀងបិទបើកអូតូ និង Active Driver Assist ផងដែរ។
ចំពោះជម្រើសម៉ាស៊ីនវិញក៏មានច្រើនជម្រើសដែរ រួមទាំង ចំណុះ ៣,៣លីត្រ V6, ២,៧លីត្រ EcoBoost, ៣,៥លីត្រ twin-turbo EcoBoost, ចំណុះ ៣,០លីត្រ និង ៥,០លីត្រ V8 ទៀតផង៕
