[ទីផ្សារបរទេស] ក្រុមហ៊ុនផលិតរថយន្ត Mercedes-Benz បានធ្វើការដាក់បញ្ចេញម៉ូដែលម៉ូឌែលពិសេស Mercedes-AMG “Edition 55” សម្រាប់ម៉ូដែល G63 ដើម្បីអបអរខួបទី ៥៥ឆ្នាំ នៃម៉ាកយីហោ AMG ដែលត្រូវបានបង្កើតឡើងក្នុងឆ្នាំ ១៩៦៧ សម្រាប់ទីផ្សារអឺរ៉ុបជាមួយនឹងតម្លៃបន្ថែមប្រហែល ១៩ ៧០០ ដុល្លារ លើតម្លៃដើមរថយន្ត G63។
សម្រាប់ម៉ូដែល Special Edition នេះមានជម្រើសពណ៌ខាងក្រៅតែពីរពណ៌គឺ Obsidian Black និង G manufaktur Opaline White ភ្ជាប់មកជាមួយថាសកង់ multi-spoke ទំហំ ២២ អ៊ីញ ពណ៌ Tantalum Grey ដែលស៊ីគ្នាជាមួយនឹងពណ៌តួខ្លួន។ ខណៈ ជម្រើសកញ្ចប់ផ្នែកខាងក្រៅ Night Package I និង II package បានបំពាក់ជាមួយឧបករណ៍ស្តង់ដារ រួមមានប៉ាណាមុខ កញ្ចក់ជុំវិញ ចង្កៀងមុខ និងភ្លើងក្រោយ មានពណ៌ក្រម៉ៅ។
ចំពោះផ្នែកខាងក្នុងរបស់ Edition 55 មានពណ៌ខ្មៅលាយនិងពណ៌ក្រហម កៅអីពូកស្បែកប្រភេទ Nappa, ដៃចង្កូតមីក្រូហ្វីប Dinamica របស់ Mercedes ហើយនៅកណ្តាលមានឡូហ្គោ “55 AMG” កម្រាលជើងពូកម៉ាក AMG ជាប្រភេទក្រណាត់ពណ៌ខ្មៅ ជាមួយនឹងការដេរភ្ជាប់ពណ៌ក្រហម។
ចូលទៅកាន់ផ្នែកម៉ាស៊ីនវិញ រថយន្ត Mercedes-AMG G63 Edition 55 ដំណើរការដោយម៉ាស៊ីនចំណុះ ៤,០ លីត្រ Twin-turbo V8 បង្កើតកម្លាំងបាន ៥៨៥ សេះ និងកម្លាំងរមួល ៨៥០ ញ៉ូតុនម៉ែត្រ ថាមពលបញ្ចូនទៅកាន់ប្រអប់លេខអូតូ ៩វគ្គ៕
