រូបភាពរបស់រថយន្ត Honda Civic ឆ្នាំ២០២២ ត្រូវបានបែកធ្លាយនៅលើគេហទំព័រ Civic11Forum ដែលជាម៉ូឌែលមួយដែលផលិតឡើងសម្រាប់ទីផ្សារប្រទេសចិន។ រូបភាពបែកធ្លាយនេះ គេឃើញមានពាក្យ ២៤០ Turbo នៅខាងក្រោយឡាន ដែលទំនងជាម៉ូដែលនេះប្រើម៉ាស៊ីន ១,៥លីត្រ VTEC Turbo ដែលផលិតកម្លាំងបង្វិល ២៤០ Nm ។
រូបភាពនៃ Honda Civic ឆ្នាំ២០២២នេះ គឺពិតជាស្រដៀងនឹងគំរូរបស់ម៉ូដែល Honda Civic ដែលបានបង្ហាញកាលពីខែវិច្ឆិកាឆ្នាំមុន។ វាស្រដៀងគ្នាស្ទើរ ៩០ភាគរយ លើកលែងតែព័ត៌មានលម្អិតមួយចំនួនដូចជា អំពូលកាត់អ័ព្ទ ឬប្រព័ន្ធរន្ធខ្យល់ ត្រូវបានលាក់។ សរុបមក Honda Civic ២០២២ មានរចនារាងឡូយ និង Soft ជាង Honda Civic ជំនាន់មុន។
យោងតាមប្រព័ន្ធផ្សព្វផ្សាយអន្ដរជាតិរថយន្ត Honda Civic ២០២២ នឹងត្រូវបំពាក់ដោយម៉ាស៊ីនចំណុះ ១,៥ លីត្រ Turbocharged ទំហំ ៤ស៊ីឡាំង ដូចជំនាន់បច្ចុប្បន្ន។ រីឯ Type R នឹងបំពាក់ស្តង់ដារជាមួយម៉ាស៊ីនចំណុះ ២,០ លីត្រ Turbocharged ដំណើរការដោយប្រអប់លេខ CVT៕
