កាលពីប៉ុន្មានខែមុន ក្រុមហ៊ុន Mini បានបង្ហាញរថយន្តអគ្គិសនីដំបូងរបស់ខ្លួន ម៉ូដែល Mini Cooper SE ស៊េរីឆ្នាំ២០២០ ហើយទទួលបានការចាប់អាមរ្មណ៍ជាច្រើន។
មកទល់ពេលនេះ ក្រុមហ៊ុន Mini ទទួលបានការបញ្ជាទិញច្រើនជាង ៨ ០០០គ្រឿងបាត់ទៅហើយ នៅទូទាំងពិភពលោក។
ផ្ទាំងផ្សាយពាណិជ្ជកម្ម
រថយន្ត Mini Cooper SE ដែលដំណើរការដោយថាមពលអគ្គិសនីសុទ្ធនេះ មានកម្លាំង ១៨៤សេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៦,៩វិនាទី ហើយមានល្បឿនអតិបរមា ១៥០គីឡូម៉ែត្រក្នុងមួយម៉ោង។
បើតាម EPA បានបង្ហាញថា រថយន្ត Cooper SE អាចបើកបរបានចម្ងាយ ១៨០គីឡូម៉ែត្រ នៅពេលសាកភ្លើងពេញម្តង។ វាត្រូវបានដាក់លក់ក្នុងតម្លៃចាប់ពី ២៩ ៩០០ដុល្លារ នៅលើទីផ្សារសហរដ្ឋអាមេរិក៕
ផ្ទាំងផ្សាយពាណិជ្ជកម្ម
