[បរទេស] ក្រុមហ៊ុនផលិតរថយន្ត Suzuki គ្រោងនឹងធ្វើកាបញ្ចប់ជីវិតរថយន្តរបស់ចំនួនដល់ទៅ ៥ម៉ូដែល នៅទីផ្សារប្រទេសអូស្ត្រាលីរួមមាន The Ignis, Swift Sport, Vitara, S-Cross និង Jimny ម៉ូដែលទា្វរ ៣ ដោយសារតែពួកគេមិនគោរពតាមច្បាប់រចនាអូស្ត្រាលីដែលបានធ្វើបច្ចុប្បន្នភាព ADR នឹងចូលជាធរមានចាប់ពីថ្ងៃទី ១ ខែមីនា ឆ្នាំ ២០២៥ ។
ហេតុផលដែលក្រុមហ៊ុនផលិតរថយន្តរបស់ប្រទេសជប៉ុន សម្រេចបញ្ចប់ជីវិតរបស់ម៉ូដែលទាំង ៥ នេះ ដោយសារតែច្បាប់ថ្មីនៅប្រទេសអូស្រ្តាលី តម្រូវឲ្យមានប្រព័ន្ធចាប់ហ្វ្រាំងដោយស្វ័យប្រវត្តិ (AEB) ជាស្តង់ដារលើគ្រប់រថយន្តទាំងអស់ ។
គួរឲ្យដឹងថា សម្រាប់ច្បាប់ថ្មីនេះ មិនប៉ះពាល់ដល់ម៉ូដែល Suzuki Swift និង Suzuki Jimny ម៉ូដែល XL នោះទេ ។ បន្ថែមពីនេះ ក្រុមហ៊ុន Suzuki នឹងបន្តធ្វើការអាប់ដេតទៅលើ Jimny XL រួមទាំង អាចនាំយកនៅប្រភេទ Hybrid ជំនាន់ថ្មីនៃ Vitara និង S-Cross SUVs នៅក្នុងទីផ្សារប្រទេសអូស្ត្រាលីទៀតផង ៕
