ថាមើល Audi RS7 កម្លាំង៧០០សេះ អាចយកឈ្នះ Lamborghini Aventador SV កម្លាំង៧២៩សេះអត់? (មានវីដេអូ)

ជាការពិតណាស់ រថយន្ត Audi RS7 ស៊េរីចាស់ មិនអាចយកឈ្នះលើ Lamborghini Aventador បានឡើយ ប៉ុន្តែសម្រាប់ RS7 មួយនេះបានកែម៉ាស៊ីនចំណុះ ៤,០លីត្រ twin-turbo V8 ពីកម្លាំង ៥៥២សេះ ឡើងទៅដល់ ៧០០សេះឯណោះ។ ជាមួយគ្នានេះ វាប្រើប្រអប់លេខអូតូ ៨វគ្គ និងប៉ុងពីរ AWD ដែលជួយឲ្យការបញ្ជូនកម្លាំងទៅកង់ទាំង៤ កាន់តែប្រសើរ។

រថយន្ត Audi RS7

ចំពោះរថយន្ត Lamborghini Aventador SV វិញ បំពាក់ម៉ាស៊ីនចំណុះ ៦,៥លីត្រ naturally aspirated V12 ដែលមានកម្លាំងរហូតដល់ទៅ ៧៣៩សេះ ប្រើប្រអប់លេខ ៧វគ្គ និងប៉ុងពីរដូចគ្នា។ វាអាចស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ២,៨វិនាទី ហើយមានល្បឿនអតិបរមាដល់ ៣៥០គីឡូម៉ែត្រក្នុងមួយម៉ោង។

រថយន្ត Lamborghini Aventador SV

បើនិយាយពីការប្រៀបធៀបទម្ងន់នៃរថយន្តទាំងពីរវិញ Aventador SV ស្រាលជាង RS7 ប្រហែល ១៨០គីឡូក្រាម ដូច្នេះវារៀងមានប្រៀបជាងបន្តិច។ ចង់ដឹងយ៉ាងណា ទស្សនាវីដេអូខាងក្រោមទាំងអស់គ្នា៖

ពាណិជ្ជកម្ម

 

Sponsored