រថយន្ដភីកអាប់អគ្គិសនី Chevrolet Silverado EV Trail Boss ស៊េរីឆ្នាំ២០២៦ បានបង្ហាញខ្លួនជាផ្លូវការ ហើយត្រូវបានដាក់ជាមួយតម្លៃចាប់ពី ៧មុឺនដុល្លារឡើងទៅ នៅទីផ្សារបរទេស។
Trail Boss ជារថយន្ដម៉ូឌែលថ្មីក្នុងត្រកូល Chevrolet Silverado EV រចនាមកមាន ២ជម្រើសក្នុងនោះមានជម្រើស Extended និង Max ផ្ដោតលើការបើកបរបែប Off-Road និងអូសណ្ដោង។ ចំពោះរយៈចម្ងាយនៃការបើកបររថយន្ដ Trail Boss បំពាក់ជាមួយអាគុយ Extended អាចបើកបរបានចម្ងាយប្រហែល ៦៥៩គីឡូម៉ែត្រ គិតតាមស្ដង់ដារវាស់ចម្ងាយ EPA ខណៈជម្រើសបំពាក់មកជាមួយអាគុយ Max អាចបើកបរបានចម្ងាយប្រហែល ៧៦៩គីឡូម៉ែត្រ គិតតាមស្ដង់ដារវាស់ចម្ងាយ GM។ Trail Boss ដំណើរតដោយម៉ូទ័រអគ្គិសនីចំនួន៤ អាចកម្លាំងបាន ៧២៥សេះ និងកម្លាំងបង្វិល ១ ០៥០ញ៉ូតុនម៉ែត្រ សម្រាប់ម៉ូឌែលប្រើប្រាស់កញ្ចប់អាគុយ Max Range។
អ្វីកាន់តែពិសេស Chevrolet Silverado EV Trail Boss បានបំពាក់មកជាមុខងារ Sidewinder អនុញា្ញតឲ្យកង់ទាំងបួនបត់ក្នុងទិសដៅតែមួយ និងរំកិលរថយន្តតាមអង្កត់ទ្រូងក្នុងល្បឿនទាប ដែលផ្តល់ឲ្យអ្នកបើកបរងាយស្រួលបត់បែនក្នុងស្ថានផ្លូវពិបាក ជាពិសេសនៅពេលជួបបញា្ហកន្លែងចតឡានចង្អៀត។ ចំពោះកម្រិតសមត្ថភាពរថយន្ដនេះអាចអូសសណ្ដោងបានទម្ងន់ប្រហែល ៥ ៦៧០គីឡូក្រាម ហើយអាចដឹកបានប្រហែល ៩៥២គីឡូក្រាម)។
បើនិយាយពីរូបរាងការរចាននៅផ្នែកខាងក្រៅពីរថយន្ដរចនាបែបកាចហើយអំណាច ដោយផ្នែកខាងមុខបំពាក់មកជាមួយភ្លើង Daytime Running Light អូសកាត់ពេញទទឹងផ្នែកខាងមុខ ភ្ជាប់មកជាមួយ Logo Chevrolet នៅចំកណ្ដាល ហើយបន្ថែមមកជាមួយភ្លើង LED។ Trail Boss ក៏បានបំពាក់មកជាមួយដែកសម្រាប់អូសសណ្ដោងពណ៌ក្រហមចំនួន២ នៅផ្នែកខាងមុខជាស្រេច។ ផ្នែកខាងក្រោយរថយន្ដបានបំពាក់កជាមួយស្ដុប LED រចនាបែបបញ្ឍរ នៅឈ្នាន់សម្រាប់ឡើងទៅទ្រុងខាងក្រោយ។ Trail Boss បំពាក់បន្ថែមជាមួយថាសកង់ទំហំ១៨អុីញ និង សំបកកង់ All-terrain ទំហំ ៣៥អុីញ ដើម្បីធានាថារថយន្ដរចនាមកដើម្បីបើកក្នុងស្ថានភាពពិបាក។ អ្វីដែលកាន់តែពិសេសរថយន្ដនេះបានបំពាក់ជាមួយជ័រការពារ ជុំវិញរថយន្ដ ដើម្បីកាន់បន្ថយការប៉ះទង្គិច ពេលបើកបរលក្ខណៈ Off-Road។
រថយន្ដ Chevrolet Silverado EV Trail Boss បំពាក់មកជាមួយប្រព័ន្ធជំនួយអ្នកបើកបរ Super Cruise 6 រួមបញ្ចូលជាមួយមុងារ Google Maps មុខងារ hands-on ដែលទើបនឹងបន្ថែមថ្មី ជួយរក្សារថយន្តស្ថិតនៅចំកន្លងផ្លូវត្រឹមត្រូវ និងកំណត់ល្បឿនតាមរថយន្ដបើកបរខាងមុខ និងមុងារ Super Cruise ភ្លើងនៅលើចង្កូតនឹងប្រែជាពណ៌បៃតង ហើយរថយន្ដអាចបើកបរដោយដោយស្វ័យប្រវត្តិ មិនបាច់កាន់ចង្កូតក្នុងពេលដំណើរ៕
