រថយន្ត Nissan Versa ២០២២ លក់នៅសហរដ្ឋអាមេរិក តម្លៃខ្ទង់ ១ ម៉ឺនដុល្លារ

ក្រុម Nissan បានបង្ហាញនូវរថយន្តប្រភេទ Sedan ឈ្មោះ Versa ស៊េរីឆ្នាំ២០២២ សម្រាប់ទីផ្សារសហរដ្ឋមេរិក ជាមួយជម្រើស ៣ម៉ូឌែល R, SR និង SV ដែលមានតម្លៃដាក់លក់ចាប់ពី ១៥ ០៨០ ដុល្លារ រហូតដល់ ១៨ ៤៩០ដុល្លារ។

សម្រាប់រថយន្ត Nissan Versa ស៊េរីឆ្នាំ២០២២ បានបំពាក់នូវកង់ទ័រឌីជីថលទំហំ ៧ អ៊ីញ, អេក្រង់កម្សាន្តភ្ជាប់ជាមួយមុខងារ Apple CarPlay, Android Auto និង SiriusXM support ផងដែរ។

ពាណិជ្ជកម្ម

បន្ថែមពីនេះវាក៏បានបំពាក់នូវប្រព័ន្ធសុវត្ថិភាពដែលរួមមាន ពោងសុវត្ថិភាពចំនួន ១០, ហ្រ្វាំងសង្គ្រោះបន្ទាប់, ប្រព័ន្ធភ្លើងហ្វា-កូដ បិទបើក, ប្រព័ន្ធរំលឹកអ្នកបើកបរអោយនៅក្នុងគន្លងផ្លូវ និងបន្ថយល្បឿនស្វ័យប្រវត្ត ជាមួយនឹងហ្រ្វាំងក្រោយដោយស្វ័យប្រព័ន្ធ។

សម្រាប់រថយន្ត Nissan Versa ស៊េរីឆ្នាំ២០២២ ប្រើប្រាស់ម៉ាស៊ីនសាំងចំណុះ ១.៦លីត្រ ទំហំ ៤ស៊ីទ្បាំង ផលិតកម្លាំង ១២២សេះ និងកម្លាំងរមួល ១៥៥ ញ៉ូតុនម៉ែត្រ ដោយរត់ដោយកង់ខាងមុខ ភ្ជាប់ជាមួយប្រអប់លេខដៃ ៥ វគ្គ ៕

Sponsored