រថយន្ត Toyota Fortuner LEADER ស៊េរីឆ្នាំ ២០២២ បង្ហាញខ្លួនជាផ្លូវការ

[បរទេស] ក្រុមហ៊ុនផលិរថយន្ត Toyota បានធ្វើការដាក់បញ្ចេញជាផ្លូវការនៅរថយន្ត Toyota Fortuner LEADER ស៊េរីឆ្នាំ ២០២២ ដែលមាន ៣ ម៉ូដែលសម្រាប់ជ្រើសរើសរួមមាន Leader G, Leader V និងម៉ូដែល Leader V 4-wheel drive ជាមួយនឹងតម្លៃលក់ចាប់ពី ៣៧ ៩២៥ ដុល្លារ, ៤១ ២១៧ ដុល្លារ និង ៤៣ ១៥៣ ដុល្លារ ។

ផ្នែកខាងក្រៅនៃរថយន្ត Toyota Fortuner LEADER ថ្មីនេះ ភ្ជាប់មកជាមួយនៅប៉ាណាមុខ និងកាងខាងមុខត្រូវបានរចនាថ្មី និងឡូហ្គោ Leader ។ បន្ថែមភាពកាន់តែទំនើបជាមួយចង្កៀងប្រភេទ LED Bi-beam ឡើង-ចុះដោយស្វ័យប្រវត្តិជាមួយមុខងារ follow-me-home។ ខណៈ​ នៅផ្នែកខាងក្រោយបានបំពាក់ជាមួយចង្កៀង LED ឲ្យឈ្មោះថា Light Guiding taillights, ថាសកង់ស្ព័រថ្មីទំហំ ១៨ អ៊ីញ, កញ្ចក់ចំហៀងមានមុខងារក្តោមអូតូ និងអំពូល Welcome Light និងទ្វារក្រោយបើក-បិទដោយថាមពលអគ្គីសនី។

ពាណិជ្ជកម្ម

រីឯនៅផ្នែកខាងក្នុងកាប៊ីនមានបំពាក់ជាមួយអេក្រង់កំសាន្ត touchscreen ទំហំ ៨ អ៊ីញ ភ្ជាប់មុខងារ Apple Car Play និង Android Auto ប្រព័ន្ធភ្ជាប់ T-Connect, កញ្ចក់មើលក្រោយការពារចំណាំងផ្លាតដោយស្វ័យប្រវត្តិ។ បន្ថែមពីនេះ កៅអីខាងមុខប្រភេទស្ព័រស្រោបដោយស្បែកអាចការលៃតម្រូវតាមរយៈថាមពលអគ្គិសនី ៨ ទិសដៅ និងរន្ធសាក ២២០ វ៉ុល។

ចូលទៅកាន់ផ្នែកម៉ាស៊ីនវិញ រថយន្តនេះដំណើរកាដោយម៉ាស៊ីនចំណុះ ២,៤ លីត្រ ទំហំ ៤ ស៊ីឡាំង ផលិតកម្លាំងបាន ១៥០ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៦ វគ្គ និងអាចជ្រើសរើសប្រព័ន្ធបើកបរ ប៉ុង ១ និងប៉ុង ២​៕

Sponsored