[ចំណេះដឹងយានយន្ត] ប្រសិនបើរថយន្តរបស់អ្នកមានបញ្ហាពិបាកបញ្ចូលលេខ សូមពិនិត្យមើលកម្រិតប្រេងប្រអប់លេខ មុនពេលអ្នកយករថយន្តទៅសួរនាំពីអ្នកជំនាញ។ ដើម្បីត្រួតពិនិត្យប្រេងប្រអប់លេខ សូមពិនិត្យទៅលើម៉ាកេប្រេង (Transmission fluid dipstick) ដែលតម្រូវអោយយើងទាញវាចេញដើម្បីត្រួតពិនិត្យ។ វាមានទីតាំងនៅក្បែរប្រអប់លេខ ប្រសិនបើរថយន្តរបស់អ្នកអូសទាញកង់ក្រោយ ដែលបានបង្ហាញដូចក្នុងរូបខាងក្រោម
ប្រសិនបើរថយន្តរបស់អ្នកអូសទាញកង់មុខ ម៉ាកេប្រេងប្រអប់លេខមានទីតាំងនៅខាងមុនប្រអប់លេខតែម្តងដែលបានបង្ហាញខាងក្រោម
ដើម្បីត្រួតពិនិត្យប្រេងប្រអប់លេខបាន អ្នកត្រូវអនុវត្តតាមជំហានដូចខាងក្រោម៖
១.ទាញម៉ាកេប្រេងប្រអប់លេខចេញ ដែលតម្រូវអោយចង្កឹះលេខនៅទីតាំង N និងដាក់ហ្រ្វាំងដៃ ហើយអ្នកត្រូវបញ្ឆេះម៉ាស៊ីន ត្រូវប្រាកដថាម៉ាស៊ីនរថយន្តរបស់អ្នកបានបញ្ឆេះមុនពេលអ្នកដកម៉ាកេប្រេងចេញ (កុំពន្លត់ម៉ាស៊ីនរថយន្តរបស់អ្នក)
២.ត្រួតពិនិត្យកម្រិតប្រេងនៅលើម៉ាកេប្រេង អ្នកត្រូវសង្កេតមើលទៅលើពណ៌នៃប្រេងប្រអប់លេខ។ បើប្រេងប្រអប់លេខមានពណ៌ផ្កាឈូក មានន័យវាគឺនៅល្អតែបើមានកំទេចកំទីច្រើន ឬឡើងពណ៌ផ្សេង ចូលផ្លាស់ប្តូរចេញ។
៣.ត្រូវជូតម៉ាកេប្រេងជាមួយក្រណាត់ស្អាត ហើយដាក់វាចូលវិញ រួចទាញចេញមកវិញ ប្រសិនប្រើប្រេងប្រអប់លេខស្អាតហើយ ប៉ុន្តែមិនដល់គំនូសក្រិត (ពេញ) ទេ ចូលបំពេញប្រេងអោយគ្រប់គ្រាន់ មិនពេញពេកនោះទេ ត្រូវអោយនៅត្រឹមគំនូសក្រិត (ពេញ)។
ដូច្នេះដើម្បីប្រើប្រាស់រថយន្តបានយូរ មិនសូវចំណាយថវិការច្រើន បងប្អូនគួរស្វែងពីការពិនិត្យកម្រិតប្រេងប្រអប់លេខដោយខ្លួនឯង វាមិនមានអ្វីអោយស្គុគស្មាញនោះទេ៕ អគុណ
