![Volkswagen-Atlas-Tanoak-Truck-Concept-front-three-quarter-in-motion-11](https://camboauto.com/wp-content/uploads/2020/02/Volkswagen-Atlas-Tanoak-Truck-Concept-front-three-quarter-in-motion-11-696x391.jpg)
ជួបជាមួយនឹងវិបសាយរថយន្ត Autoblog កាលពីថ្មីៗនេះ អនុប្រធានផ្នែកទីផ្សារនិងយុទ្ធសាស្ត្រផលិតផល Volkswagen លោក Hein Schafer បាននិយាយថា ទោះបីជារថយន្តភីកអាប់ Altas Tanoak Concept ទទួលបានការចាប់អារម្មណ៍ខ្លាំងពេលបង្ហាញមុខកាលពីជិតពីរឆ្នាំមុន ក៏ឱកាសនៃការផលិតលក់លើទីផ្សារមានស្ដួចស្ដើងមែនទែន។
![](https://camboauto.com/wp-content/uploads/2020/02/vw_atlas_tanoak_10.jpg)
ហេតុផលចម្បងដែលលោក Schafer លើកឡើងគឺ វាអាចនឹងចំណាយពេលយូរ និងថវិកាច្រើន ក្នុងការកែប្រែរថយន្ត Atlas ទៅជារថយន្តភីកអាប់ ហើយទោះបីជាវាអាចទៅរួចក៏ផលិតផលសម្រេចចុងក្រោយនឹងមិនមានសមត្ថភាពដូចនឹងរថយន្តភីកអាប់ដទៃទៀត។ ទីពីរគឺ VW ជឿជាក់ថាអ្វីដែលធ្វើទៅបានជាមួយរថយន្តភីកអាប់ដែលយកលំនាំតាមរថយន្ត Atlas គឺបង្កើតគូប្រជែងរបស់ Honda Ridgeline ប៉ុន្តែវាមិនសមទំនង ដោយសារចំនួនលក់នៃរថយន្ត Ridgeline មានតិចតួច។
![](https://camboauto.com/wp-content/uploads/2020/02/VW-Pickup-2-768x512-1.jpg)
យ៉ាងណាក្ដីលោក Schafer បានបន្ថែមថាវាអាចទៅរួចដែលថា VW អាចបង្កើតរថយន្តភីកអាប់ថ្មីមួយសម្រាប់អាមេរិក គឺប្រហែលជាផលិតផលសម្រេចនៃរថយន្ត Tarok Concept ដែលបង្ហាញកាលពីឆ្នាំមុន៕