ឡាន Rolls-Royce ពិសេសកង់៦ មួយគ្រឿងដំបូងគេ ចង់ដាក់លក់ក្នុងតម្លៃខ្ទង់ ៥លានដុល្លារ

កាលពីពេលកន្លងទៅគេធ្លាប់តែបានឃើញនូវរថយន្តកែច្នៃប្រភេទកង់ចំនួន៦មាននៅលើរថយន្ត Mercedes-Benz, Jeep និង Chevrolet Silverado អ្វីផ្សេងៗ ប៉ុន្តែនាពេលនេះរថយន្ត Rolls-Royce Phantom ក៏មានកង់ចំនួន ៦ ដូចគ្នាដែរ ដែលវាគឺជាស្នាដៃរបស់លោក Alexandre Donton និងសមាជិក Donton Arts Kustom របស់ខ្លួន។

ការកែច្នៃនេះត្រូវបានធ្វើឡើងនៅក្នុងប្រាសាទរបស់លោកផ្ទាល់ក្នុងក្រុង Ardèche ប្រទេសបារាំង និងត្រូវបានធ្វើឡើងផ្អែកលើរថយន្ត Rolls-Royce Phantom ជំនាន់ទី៧ ជាមួយការចំណាយពេលចំនួន ១ឆ្នាំ ៣ខែ ក្នុងការកែប្រែរថយន្តនេះ។

ពាណិជ្ជកម្ម

ផ្នែក​ខាង​ក្រៅ​ទាំង​មូល​ត្រូវ​បាន​រចនា​ជា​រចនាប័ទ្ម Off-road ដោយ លោក Alexandre បានកាត់តួរផ្នែកខាងក្រោយពាក់កណ្តាល ដើម្បីតម្លើងផ្នែកបន្ថែមដោយយកចេញពីរថយន្ត BMW 7-Series ឆ្នាំ២០០៥ ដែលជួយអោយរថយន្តនេះមានប្រវែងសរុប ៦,៣ម៉ត្រ និងទទឹង ២,៣ម៉ែត្រ។

លើសពីនេះក៏បានធ្វើឱ្យប្រសើរឡើងជាមួយការបំពាក់ថ្មីនៃចង្កៀងមុខ និងអំពូលកាត់អ័ព្ទពណ៌លឿង, របារភ្លើង LED នៅលើដំបូល, របារការពារ និងកាងខាងមុខ-ក្រោយ, ស៊ីម៉ាំងប្តូរទីតាំងនៅចំកណ្តាល និងប្រើប្រាស់ជាមួយថាសកង់ទំហំ ២៤អ៊ីញ។

ក្រៅពីផ្នែកខាងក្រៅ ផ្នែកខាងក្នុងវានូវតែរក្សារបាននូវរសជាតិរបស់ Rolls-Royce Phantom ដដែល ដោយ Alexandre Donton គ្រាន់តែបានផ្លាស់ប្តូរទៅលើប្លុកចង្កូតត្រូវបានគ្រប់ដណ្តប់ដោយស្បែកក្រពើ ខណៈនៅកន្លែងធ្នាក់ដៃខាងមុខប្រើប្រាស់នូវស្បែកពស់ប៉ុណ្ណោះ។

ចំពោះថាពលម៉ាស៊ីនគឺនៅដដែលដូចគ្នាដំណើរការដោយម៉ាស៊ីន ៦,៧៥លីត្រ V12 អាចផលិតកម្លាំងបាន ៤៦០សេះ និងកម្លាំរមួល ៧២០ញ៉ូតុនម៉ែត្រ។

គួរបញ្ជាក់ផងដែរថា ជាមួយ​នឹង​ការ​វិនិយោគ​ពេលវេលា កម្លាំង​ពលកម្ម និងរថយន្ត Phantom លោក Alexandre Danton សង្ឃឹម​ថា​ស្នាដៃ​​របស់​លោក​នឹង​លក់​បាន​ក្នុង​តម្លៃ ៥,២លាន​ដុល្លារ៕

Sponsored