[បរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារប្រទេសថៃ បានធ្វើការដាក់បង្ហាញចេញជាផ្លូវការនៅភីកអាប់ Toyota Hilux Revo Z Edition ស៊េរីឆ្នាំ ២០២៤ ផ្តល់ជូនទាំងជម្រើសទ្វារ ២ មានតម្លៃលក់ចាប់ពី ១៨ ៥៥២ ដុល្លារ ដល់ ២១ ៩០៧ ដុល្លារ និងម៉ូដែលទ្វារ ៤ មានតម្លៃលក់ចាប់ពី ២០ ៦៣២ ដុល្លារ ដល់ ២៣ ៩០៤ ដុល្លារ ។
Toyota Hilux Revo Z Edition ស៊េរីឆ្នាំ ២០២៤ ដំណើរការដោយម៉ាស៊ីន៖
ផ្ទាំងផ្សាយពាណិជ្ជកម្ម
- សម្រាប់ម៉ូដែលទា្វរ ២ បំពាក់ជាមួយម៉ាស៊ីនម៉ាស៊ូតចំណុះ ២,៤ លីត្រ Turbo ទំហំ ៤ស៊ីឡាំង អាចផលិតកម្លាំងបាន ១៥០ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦វគ្ក សម្រាប់ប្រភេទប៉ុង ២ និងលេខដៃ ៦វគ្គសម្រាប់ប្រភេទប៉ុង ១ និងបានប្រើប្រាស់ប្រព័ន្ធ suspension នៅផ្នែកខាងមុខជាប្រភេទ double wishbone និងផ្នែកខាងក្រោយជាប្រភេទ leaf spring ។
- សម្រាប់ម៉ូដែលទា្វរ ៤ បំពាក់ជាមួយម៉ាស៊ីនម៉ាស៊ូតចំណុះ ២,៤ លីត្រ Turbo ទំហំ ៤ស៊ីឡាំង អាចផលិតកម្លាំងបាន ១៥០ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦វគ្ក សម្រាប់ប្រភេទប៉ុង ២ និងលេខដៃ ៦វគ្គសម្រាប់ប្រភេទប៉ុង ១ និងបានប្រើប្រាស់ប្រព័ន្ធ suspension នៅផ្នែកខាងមុខជាប្រភេទ double wishbone និងផ្នែកខាងក្រោយជាប្រភេទ leaf spring ។
Toyota Hilux Revo Z Edition ស៊េរីឆ្នាំ ២០២៤ ទទួលបានប៉ាណា និងកាងមុខថ្មី ត្រឡោកកញ្ចក់ចំហៀង និងដៃទ្វារ ប្តូរទៅប្រើប្រាស់ពណ៌ខ្មៅ ក៏ដូចជាកាងការពារផ្នែកខាងក្រោយថ្មី ចង្កៀងមុខ LED មុខងារបើក-បិទដោយស្វ័យប្រវត្តិ និងអេក្រង់កំសាន្ត touchscreen ទំហំ ៨អ៉ីណ ។ លើសពីនេះ ក៏ទទួលបានប្រព័ន្ធទប់លំនឹង និងប្រព័ន្ធជំនួយពេលឡើង-ចុះចំណោតនៅគ្រប់ម៉ូដែល ៕
ផ្ទាំងផ្សាយពាណិជ្ជកម្ម
