ញាក់សាច់! Bugatti ចេញឡានថ្មីទៀតហើយ ម្តងនេះអាចរត់ដល់ល្បឿន ៥០០គ.ម៉/ម៉

ក្រុមហ៊ុន Bugatti បានប្រកាសចេញរថយន្តថ្មីមួយម៉ូដែលទៀត ហៅថា Bolide ដែលជាប្រភេទ Hypercar ផ្តោតខ្លាំងលើទីលានប្រណាំង មានរូបរាងប្លែកទាក់ទាញខ្លាំងបំផុត។

រថយន្ត Bugatti Bolide បានបំពាក់ម៉ាស៊ីនចំណុះ ៨,០លីត្រ ទំហំ ១៦ស៊ីឡាំង មានកម្លាំងរហូតដល់ទៅ ១ ៨២៤សេះ ហើយមានទម្ងន់ត្រឹមតែ ១ ២៤០គីឡូក្រាមប៉ុណ្ណោះ។

ផ្ទាំងផ្សាយពាណិជ្ជកម្ម

ដើម្បីអាចផលិតរថយន្ត Bolide ឲ្យស្រាលបែបនេះបាន Bugatti បានប្រើប្រាស់គ្រោងឆ្អឹង Carbon Fiber, ខ្ចៅ Titanium, គ្រឿង Titanium Alloy កម្រាស់ស្តើង បានពី 3D-Print, ហ្វ្រាំង Ceramic និង Carbon Fiber លើផ្នែកជាច្រើនផ្សេងទៀត។

Bugatti អះអាងថា Bolide គឺជារថយន្តដ៏មហាអស្ចារ្យបំផុត ស្រាលបំផុត និងលឿនបំផុតរបស់ក្រុមហ៊ុន ដោយអាចរត់ដល់ល្បឿនអតិបរមាលើស ៥០០គីឡូម៉ែត្រក្នុងមួយម៉ោង។ មិនតែប៉ុណ្ណោះ វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ២,១៧វិនាទីប៉ុណ្ណោះ៕

ផ្ទាំងផ្សាយពាណិជ្ជកម្ម