Ford Ranger រូបរាងថ្មីបង្ហាញខ្លួនឆ្នាំ២០២២?

យោងតាមគេហទំព័ររបស់ Car Expert បានធ្វើការបង្ហាញពីរូបរាង និងលក្ខណះពិសេសជាច្រើនរបស់រថយន្ត Ford Ranger ២០២២។ យ៉ាងណាមិញ រថយន្តថ្មី Ford Ranger នេះនឹងមានជម្រើស ម៉ាស៊ូត ២ ប្រភេទ និង សាំងជាមួយបច្ចេកវិទ្យា Plug-in Hybrid ផងដែរ។ សម្រាប់ម៉ាស៊ីនម៉ាស៊ូត ២នោះប្រភេទមាន ២,០ លីត្រ ប្រើប្រាស់ ទ័កប៊ូ ២ (Twin-Turbo) ម៉ាស៊ីនចំនួន ៤ កំលាំង ១៥០គីឡូវ៉ាត់ កំលាំងរមួល ៥០០Nm និង ៣,០ លីត្រ ម៉ាស៊ីនចំនួន ៦ កំលាំង ១៨៦គីឡូវ៉ាត់ កំលាំងរមួល ៦០០Nm ដែលនឹងជំនួយអោយម៉ាស៊ីន ៣,២ លីត្រស៊េរីចាស់។

គេហទំព័រ Car Expert ក៏បានរំពឹងថារថយន្តស៊េរីថ្មីនេះ អាចនឹងបំពាក់បូមប្រភេទ Fox Racing Shock ដូចទៅនឹងរថយន្ត Ford F-150 Raptor អញ្ចឹងដែរ។

ផ្ទាំងផ្សាយពាណិជ្ជកម្ម
បូមរថយន្ត Ford F-150 Raptor ២០២០

កាន់តែពិសេសស៊េរីនឹងបំពាក់ជាមួយប្រព័ន្ធកំសាន្ត Ford SYNC4 អេក្រង់បញ្ឈរទំហំ ១២,៨ អុីញ អាចធ្វើការភ្ជាប់ដោយប្រព័ន្ធដំណើរការ Android Auto និង Apple CarPlay បានផងដែរ។ លើសពីនេះក៏មានអេក្រង់កុងទ័រទំហំ ១០,២៥ អុីញ ដែលមានរូបរាងប្រហាក់ប្រហែលទៅរថយន្ត Ford Mustang Mach-E ផងដែរ។

ផ្នែកខាងក្នុងរបស់ Ford Mustang Mach-E

ព័ត៌មានខាងលើគឺសំដៅសម្រាប់តំបន់ធំៗមួយចំនួនដូចជា អាមេរិកកណ្តាល អឺរ៉ុប អូស្ត្រាលី និងតំបន់ផ្សេងទៀតជាច្រើននៅជុំវិញពិភពលោក ហើយយើងមិនដឹងថាសម្រាប់កម្ពុជានឹងមានលក្ខណះបែបណានោះទេ តែបើបានចឹងមែនពិតជាទំនើបខ្លាំងមែនទែន។ យ៉ាងណាក៏ដោយ រង់ចាំមើលទាំងអស់គ្នា។

ផ្ទាំងផ្សាយពាណិជ្ជកម្ម