[ទីផ្សារបរទេស] រថយន្តអគ្គិសនីដែលបើកបរបានចម្ងាយក្នុងការសាកថ្មម្តងតែងតែមានតម្លៃលក់កាន់តែខ្ពស់។ ទោះបីជាយ៉ាងណាក៏ដោយ នៅតែមានរថយន្តអគ្គិសនី ដែលជួយអ្នកប្រើប្រាស់ធ្វើដំណើរបានចម្ងាយឆ្ងាយដែលមានតម្លៃតិចជាង ៥០ ០០០ ដុល្លារ នេះបើយោងតាម Business Insider ។ ខាងក្រោមនេះ ជារថយន្តអគ្គិសនីដែលអាចបើលបរបានចម្ងាយឆ្ងាយជាមួយតម្លៃទាប៖
Chevrolet Bolt EV៖ រថយន្តនេះបំពាក់អាគុយទំហំ ៦៥ គីឡូវ៉ាត់ម៉ោង អាចបើកបរបានចម្ងាយ ៤១៦ គីឡូម៉ែត្រក្នុងការសាកថ្មម្តង មានតម្លៃលក់ ២៥ ៦០០ ដុល្លារ។
Hyundai Kona EV ៖ រថយន្តនេះបំពាក់់ជាមួយអាគុយទំហំ ៦៥ គីឡូវ៉ាត់ម៉ោង អាចបើកបរបានចម្ងាយ ៤១៥ គីឡូម៉ែត្រក្នុងការសាកថ្មម្តង មានតម្លៃលក់ ៣៤ ០០០ ដុល្លារ។
Toyota bZ4x ៖ រថយន្តនេះបំពាក់ជាមួយអាគុយទំហំ ៧១,៤ គីទ្បូវ៉ាត់ និងមួយទៀតមានអាគុយ ៧២,៨ គីទ្បូវ៉ាត់ ដែលមានសមត្ថភាពអាចបើកបរបានចម្ងាយប្រមាណ ៤៥០ គីឡូម៉ែត្រក្នុងការសាកថ្មម្តង មានតម្លៃលក់ ៤២ ០០០ ដុល្លារ។
Volkswagen ID.4 Pro ៖ រថយន្តនេះបំពាក់ជាមួយអាគុយទំហំ ៨២ គីឡូវ៉ាត់ម៉ោង អាចបើកបរបានចម្ងាយប្រហែល ៤៤២ គីឡូម៉ែត្រក្នុងការសាកថ្មម្តង មានតម្លៃលក់ ៤២ ៥០០ ដុល្លារ។
Hyundai Ioniq 5 SE ៖ រថយន្តនេះមាអាគុយទំហំ ៥៨ គីឡូវ៉ាត់ម៉ោង អាចបើកបរបានចម្ងាយ ៤៨៧ គីឡូម៉ែត្រក្នុងការសាកថ្មម្តង មានតម្លៃលក់ ៤៤ ០០០ ដុល្លារ។
Tesla Model 3 ៖ រថយន្តអគ្គិសនីនេះបានបំពាក់ជាមួយអាគុយទំហំ ៥៤ គីឡូវ៉ាត់ម៉ោង អាចបើកបរចម្ងាយប្រហែល ៤៣៧ គីឡូម៉ែត្រ មានតម្លៃលក់ ៤៧ ០០០ ដុល្លារ។
Kia EV6 ៖ រថយន្តអគ្គិសនីនេះបានបំពាក់ជាមួយអាគុយទំហំ ៥៨ គីឡូវ៉ាត់ម៉ោង អាចបើកបរចម្ងាយប្រហែល ៤៩៨ គីឡូម៉ែត្រ មានតម្លៃលក់ ៤៧ ៥០០ ដុល្លារ។
Polestar 2៖ រថយន្តអគ្គិសនីនេះបានបំពាក់ជាមួយអាគុយទំហំ ៧៥ គីឡូវ៉ាត់ម៉ោង អាចបើកបរចម្ងាយប្រហែល ៤៣៤ គីឡូម៉ែត្រ មានតម្លៃលក់ ៤៨ ៤០០ ដុល្លារ៕
