កាលពីចុងសប្ដាហ៍កន្លងទៅ គ្រោះថ្នាក់ចរាចរណ៍មួយបានកើតឡើងនៅប្រទេសសិង្ហបុរី ដែលមានរថយន្ត Lamborghini Aventador S ពីរគ្រឿងដែលមានពណ៌ដូចគ្នា បានប៉ះទង្គិចគ្នា។
ផ្អែកតាមការចុះផ្សាយរបស់ RedChili21 បានឲ្យដឹងថាហេតុការណ៍បានកើតឡើងនាថ្ងៃទី ៧ ខែមិថុនា ដោយមានការអះអាងថារថយន្ត Lamborghini Avendator S មួយគ្រឿងខាងមុខគឺបានឈប់នៅផ្លូវបត់ក្រោយ រួចទើបត្រូវ Lamborghini មួយគ្រឿងទៀតប៉ះពីក្រោយ។
បើតាមរូបភាពបានបង្ហាញថារថយន្តទាំងពីររងការខូចខាតមិនខ្លាំងប៉ុន្មានឡើយ ហើយមើលទៅទំនងជាមានភ្លើងឆេះតិចតួច ប៉ុន្តែត្រូវបានពន្លត់ដោយឃើញមានផ្សែងហុយចេញ។ គ្រោះថ្នាក់ចរាចរណ៍នេះ ត្រូវបានគេចាប់អារម្មណ៍ខ្លាំង ដោយសាររថយន្តទាំងពីរមិនត្រឹមតែជាម៉ូដែលដូចគ្នា មានពណ៌ដូចគ្នា ហើយមានការលេងគ្រឿងស្រដៀងគ្នាទៀតផង៕
