ប្រទះឃើញរថយន្ត ID.Buzz កំពុងសាកថ្មនៅស្ថានីយ៍សាធារណៈ មុនពេលបង្ហាញខ្លួនផ្លូវការ

[ទីផ្សារបរទេស] កាលពីថ្ងៃ ២៣ ខែធ្នូ ២០២១​ កន្លងទៅ ក្រុមហ៊ុនផលិតរថយន្ត Volkswagen បានធ្វើការបញ្ចេញនៅវីដេអូ Teaser រថយន្ត ID.Buzz នឹងត្រៀមចេញលក់ជាផ្លូវការនៅថ្ងៃទី៦ ខែមិនាខាងមុខនេះ។ ខណៈពេលថ្មីៗនេះរថយន្តនេះត្រូវបានប្រទះឃើញរថយន្តនេះនៅស្ថានីយ៍សាកថ្មសាធារណៈដោយ Yotuber ជនជាតិន័រវេសដ៏ពេញនិយមគឺលោក Bjørn Nyland ដែលបានបានចតនៅជិតរថយន្តគាត់ ខណៈពេលដែលលោកកំពុងសាកថ្មរថយន្តរបស់ខ្លួន។

ក្រុមហ៊ុនផលិតរថយន្តអាឡឺម៉ង់ធ្លាប់បានចែករំលែករូបភាពនៃគំរូដើមជាមួយនឹងការបិទបាំងតួខ្លួន ហើយខណៈពេលដែលរថយន្តបានការពារពីការមើលឃើញនៅខាងក្នុងកាប៊ីន ប៉ុន្តែមិនអាចលាក់ព័ត៌មានលម្អិតនៃការរចនាផ្នែកខាងក្រៅសំខាន់ៗនោះទេ។ ដោយផ្នែក​ខាង​ក្រៅ​របស់​រថយន្ត​​មានបំពាក់មកជាមួយ​អំពូលភ្លើងបំភ្លឺពេលថ្ងៃប្រភេទ LED ជាដើម។ ខណៈ នៅកន្លែងផ្សេងទៀត លោក Bjørn Nyland បានកត់សម្គាល់ថារថយន្តនេះបំពាក់ជាមួយថាសកង់ទំហំ ២០ អ៊ីញជាមួយនឹងសំបកកង់ 255/45 នៅខាងមុខ និងសំបកកង់ 265/45 នៅខាងក្រោយ ដែលធំទូលាយសម្រាប់រថយន្ត EV នេះ។

ផ្ទាំងផ្សាយពាណិជ្ជកម្ម

Volkswagen នឹង​លក់​រថយន្ត ID.BUZZ ក្នុងជម្រើសម៉ូឌែល​ផ្សេងៗ​ជា​ច្រើន។ ខណៈម៉ូដែល entry-level ទំនងជាប្រើប្រាស់ម៉ាស៊ីនស្រដៀងគ្នាទៅនឹង ID.4 ទាំងស្រុងជាមួយនឹងម៉ូទ័រអគ្គីសនីដែលបំពាក់នៅខាងក្រោយដែលផលិតបានកម្លាំង ២០១ សេះ និងកម្លាំងរមួល ៣១០ ញ៉ូតុន ។

ជាមួយគ្នានេះ​ សម្រាប់ប្រភេទ AWD ក៏ត្រូវបានគេរំពឹងថាផ្តល់នូវកម្លាំងរួមគ្នាបាន ២៩៥ សេះ និងកម្លាំងរមួល ៤៥៩ ញ៉ូតុនម៉ែត្រ៕

ផ្ទាំងផ្សាយពាណិជ្ជកម្ម

អត្ថបទ​ដែល​ទាក់ទងបន្ថែម​ពី​អ្នកនិពន្ធ