ផ្លូវការ! Mercedes ឈប់ផលិតឡាន AMG GT R

កាលពីដើមសប្តាហ៍កន្លងទៅនេះ មានពាក្យចចាមអារ៉ាមអះអាងថា រថយន្ត Mercedes-AMG GT R នឹងត្រូវឈប់ផលិត នៅសហរដ្ឋអាមេរិក បន្ទាប់ពីស៊េរីឆ្នាំ២០២១។

ឥឡូវនេះ អ្នកនាំពាក្យក្រុមហ៊ុន Mercedes-Benz USA បានបញ្ជាក់ពាក់ព័ន្ធនឹងពាក្យចចាមអារ៉ាមនេះហើយថា រថយន្ត Mercedes-AMG GT R ពិតជាត្រូវឈប់ផលិតមែន ព្រោះរថយន្ត Mercedes-AMG GT Black Series នឹងក្លាយជាប្រភេទ Flagship ថ្មីសម្រាប់ត្រកូល GT ទ្វារ២ របស់ខ្លួន។

ទោះជាយ៉ាងណា រថយន្ត GT Black Series នឹងចេញលក់នៅដើមឆ្នាំ២០២១ ជាមួយនឹងតម្លៃចាប់ពី ៣២៥ ០០០ដុល្លារ នៅសហរដ្ឋអាមេរិក។

រថយន្តនេះមានបំពាក់ម៉ាស៊ីន twin-turbocharged ចំណុះ ៤,០លីត្រ V8 មានកម្លាំង ៧២០សេះ អាចរត់ស្ទុះពីកុងទ័រ០-១០០គីឡូម៉ែត្រក្នុងមួយម៉ោង ប្រើពេល ៣,២វិនាទី ហើយមានល្បឿនអតិបរមាដល់ ៣២៥គីឡូម៉ែត្រក្នុងមួយម៉ោង៕