មេ Tesla ថា ឡានប្រើសាំង និងម៉ាស៊ូតមួយទឹក នឹងធ្លាក់ថ្លៃ ព្រោះហេតុផលមួយ

មេ Tesla លោក Elon Musk បានប្រាប់ឲ្យដឹងថា តម្លៃនៃរថយន្តប្រើសាំង និងម៉ាស៊ូតមួយទឹក នឹងធ្លាក់ចុះខ្លាំង នៅក្នុងរយៈពេលប៉ុន្មានឆ្នាំខាងមុខនេះ ដោយសារតែការកើនឡើងនៃរថយន្តអគ្គិសនី។

ការអះអាងរបស់ Musk បានធ្វើឡើងបន្ទាប់ពីមានអ្នកប្រើបណ្តាញសង្គម Twitter ឈ្មោះ SamTalksTesla និយាយថា “ចក្រភពអង់គ្លេស នឹងហាមឃាត់រថយន្តដំណើរការដោយម៉ាស៊ីនចំហេះក្នុង (ប្រើប្រេងឥន្ធនៈ) ចាប់ពីឆ្នាំ២០៣៥។ ប្រទេសដទៃជាច្រើនទៀតនឹងធ្វើតាម។ Tesla បានបញ្ជាក់ឲ្យឃើញ ១០០% ថា រថយន្តអគ្គិសនីពិតជាមានសមត្ថភាព និងទទួលបានជោគជ័យ”។

ផ្ទាំងផ្សាយពាណិជ្ជកម្ម

ជាការពិតណាស់ រថយន្តប្រើម៉ាស៊ូត និងសាំង នឹងធ្លាក់ចុះថ្លៃ ស្របពេលដែលរថយន្តអគ្គិសនីកើនឡើងរឹតតែច្រើន ហើយលក់ដាច់ជាងរថយន្តដំណើរការដោយម៉ាស៊ីនចំហេះក្នុងទាំងនោះ៕

ផ្ទាំងផ្សាយពាណិជ្ជកម្ម