ម៉ូតូចង្កឹះលេខ Suzuki Raider R150 បានដាក់លក់ជាផ្លូវការ នៅថៃ

[ទីផ្សារបរទេស] ក្រុមហ៊ុន Suzuki ប្រចាំប្រទេសថៃ បានធ្វើការដាក់លក់ជាផ្លូវការនូវម៉ូឌែលថ្មីរបស់ខ្លួនគឺ Raider R150 ស៊េរីឆ្នាំ ២០២២ ដែលទទួលបានការឌីហ្សាញបែបស្ព័រ និងបំពាក់ជាមួយម៉ាស៊ីនថ្មីផងដែរ។

រូបរាងរបស់ម៉ូតូ Suzuki Raider R150 ទទួលបានការចនាទ្បើងបែបស្ព័រ រហ័សរហួន និងកាន់តែពិសេសនោះវាបានបំពាក់មកជាមួយចង្កៀងមុខ-ក្រោយប្រភេទ LED និងអេក្រង់ឌីជីថល Full LED សម្រាប់បង្ហាញព័ត៌មានពេលធ្វើដំណើរជាដើម។

ម៉ូតូ Suzuki Raider R150 បានប្រើប្រាស់ម៉ាស៊ីន DOHC ចំណុះ ១៤៧,៣សេសេ ទំហំ ១ ស៊ីទ្បាំង, ប្រព័ន្ធស្អំប្រេង Liquid-Cooled ផលិតកម្លាំង ១៥,៤សេះ និងកម្លាំងរមួល ១២,៤ញ៉ូតុនម៉ែត្រ។ ខណៈដែលធុងសាំងអាចផ្ទុកបានចំណុះរហូតដល់ ៤,៩លីត្រ។

យ៉ាងណាមិញចំពោះក្រុមហ៊ុន Suzuki មិនទាន់បានបង្ហាញអំពីតម្លៃរបស់ម៉ូតូ Raider R150 ស៊េរីឆ្នាំ ២០២២ នៅទ្បើយទេ៕