កាលពីពេលថ្មីៗនេះ បើលោកអ្នកធ្វើដំណើរកាត់ទីរួមខេត្តកំពង់ចាម តាមបណ្តោយផ្លូវជាតិលេខ៧ចាស់ ម្តុំទល់មុខ សាលាគរុកោសល្យនិងវិក្រឹតការខេត្តកំពង់ចាម ប្រហែល១៥០ម៉ែត្រពីរង្វង់មូល លោកអ្នកនឹងឃើញទីតាំងយានដ្ឋានធំមួយដែលទើបនឹងរៀបចំ និងរចនាខ្លួនយ៉ាងស្អាតត្រៀមចាំទទួលបម្រើសេវាកម្មជូនលោកអ្នក។ ទីតាំងថ្មីនេះ គឺជាយានដ្ឋាន ដែលទទួលសិទ្ធ ក្នុងការជួសជុល ថែទាំ និងធ្វើការចែកចាយគ្រឿងបន្លាស់សុទ្ធ១០០%ពីក្រុមហ៊ុន តូយ៉ូតា (ខេមបូឌា)។ អ្នកជំនាញរបស់ក្រុមហ៊ុនតូយ៉ូតាផ្ទាល់បានផ្តល់ជូននូវការបណ្តុះបណ្តាល និងណែនាំយ៉ាងយកចិត្តទុកដាក់បំផុតចំពោះអ្នកបច្ចេកទេស និងក្រុមការងារទាំងអស់នៅទីនោះ ដើម្បីធានាបានថាការជួសជុលនិងថែទាំរថយន្តជូនអតិថិជន គឺស្របតាមបទដ្ឋានស្តង់ដាររបស់ក្រុមហ៊ុនតូយ៉ូតា ក៏ដូចជាបង្កើនទំនុកចិត្តដល់អតិថិជន។
ក្រៅពីយានដ្ឋានថ្មីមួយនេះ ក្រុមហ៊ុន តូយ៉ូតា ក៏បានពង្រើកវិសាលភាពរបស់ខ្លួន ដោយផ្តល់សិទ្ធដល់យានដ្ឋានតាមបណ្តាខេត្តមួយចំនួនផ្សេងទៀតដូចខាងក្រោម៖
១. ខេត្តព្រៃវែង – យានដ្ឋានថែទាំរថយន្ត ខូវ ឈាងស៊ា (កំពុងដំណើរការ)
២. ខេត្តក្រចេះ – យានដ្ឋានថែទាំរថយន្ត ដឹ ឃីង (ផ្អាកដំណើរការបណ្តោះអាសន្ន រៀបចំទីតាំងឡើងវិញ)
៣. ខេត្តកំពង់ស្ពឺ - យានដ្ឋានថែទាំរថយន្ត សុម៉ានិត (កំពុងដំណើរការ)
៤. ខេត្តកំពង់ចាម(ថ្មី) – យានដ្ឋានថែទាំរថយន្ត វ៉ា ណាវីន (កំពុងដំណើរការ)
ដូចនេះ ក្រុមហ៊ុន តូយ៉ូតា (ខេមបូឌា) សង្ឃឹមយ៉ាងមុតមាំថា ម្ចាស់រថយន្ត TOYOTA & LEXUS ទាំងអស់នឹងទទួលបាននូវសេវាកម្មដែលមានគុណភាពខ្ពស់ ជាមួយគ្រឿងបន្លាស់សុទ្ធ១០០% ដើម្បីទទួលបាននូវសុខសុវត្ថិភាព និងផាសុកភាពបរិបូរណ៍គ្រប់ការបើកបរទាំងអស់។
សម្រាប់ព័ត៌មានបន្ថែមនិងការណាត់ទុកជាមុន សូមទំនាក់ទំនងមកកាន់ ០១៧ ២២២ ៣២១ / ០១៧ ៦៦៦ ១៦៩
ទំព័រFacebook ផ្លូវការ Toyota Cambodia After Sales Service
