Magnite គឺជាឈ្មោះរបស់រថយន្ត Crossover ប្រភេទតូច របស់ Nissan ដែលមានប្រវែងប្រហែល ៤ម៉ែត្រ ដែលមានគោលបំណងបង្កើតឡើងសម្រាប់ប្រទេសឥណ្ឌា ហើយវានិងមានវត្តមាននៅប្រទេសផ្សេងៗដូចគ្នា។
តាមរយ:ការបង្ហាញរបស់ Show Car កាលពីដើមឆ្នាំកន្លងទៅ ចំពោះរូបរាងខាងក្រៅរបស់ Magnite មានភាពស្រស់ស្អាត និងទាក់ទាញ ដោយបានបំពាក់ជាមួយ ប៉ាណាខាងមុខ, កាងក្រោមខាងមុខ, កាងក្រោយ និងចង្កៀងមុខ-ក្រោយ ដែលរចនាថ្មី។ រីឯខាងក្នុង គឺពុំមានការផ្លាស់ប្តូរច្រើនឡើយ ដោយបានបំពាក់ជាមួយ អេក្រង់បង្ហាញព័ត៍មាន TFT ទំហំ ៧អ៊ីញ, អេក្រង់កម្សាន្ត ទំហំ ៨អ៊ីញ ដែលអាចភ្ជាប់មុខងារ Apple Carplay និង Android Auto, Push-start button, កញ្ចក់សងខាងបញ្ជាដោយប្រព័ន្ធអេឡិចត្រូនិច, កាំម៉េរា 360ដឺក្រេ, កម្ពស់ពីដី ២០៥មីលីម៉ែត្រ, ប្រព័ន្ធជំនួយឡើងចំណោត និង cruise control ។
ផ្អែកតាម CMF-A Platform រថយន្ត Magnite បានបំពាក់ថ្មីជាមួយម៉ាស៊ីន ១,០លីត្រ turbocharged មានកម្លាំង ៩៥សេះ និងប្រើប្រអប់លេខអូតូប្រភេទ CVT។ ជាមួយគ្នានេះ Magnite និងមានលក់នៅលើទីផ្សារប្រទេស ឥណ្ឌា នៅដើមឆ្នាំក្រោយ។
