ក្រុមហ៊ុន Subaru បានប្រកាសចេញរថយន្ត Forester ស៊េរីឆ្នាំ២០២០ ថ្មី សម្រាប់ទីផ្សារប្រទេសជប៉ុន ដោយហៅឈ្មោះថា Forester Sport។
ចំពោះរថយន្ត Subaru Forester Sport លក់នៅជប៉ុន មានបំពាក់ម៉ាស៊ីនចំណុះ ១,៨លីត្រ turbocharged ទំហំ ៤ស៊ីឡាំង មានកម្លាំង ១៧៥សេះ។ ដោយឡែក Forester សម្រាប់ទីផ្សារសហរដ្ឋអាមេរិកវិញ គឺបំពាក់ម៉ាស៊ីនចំណុះ ២,៥លីត្រ naturally aspirated ទំហំ ៤ស៊ីឡាំង មានកម្លាំង ១៨២សេះ។
ផ្ទាំងផ្សាយពាណិជ្ជកម្ម
យ៉ាងណាក៏ដោយ Forester Sport ថ្មី ទទួលបានការកែកុនផ្នែកប្រព័ន្ធជើងក្រោម ហើយដំណើរការដោយប្រអប់លេខអូតូ CVT និង ប្រព័ន្ធប៉ុងពីរ Symmetrical AWD មកស្តង់ដារតែម្តង។ ភាពខុសគ្នាលើការឌីហ្សាញពីម៉ូដែលលក់នៅទីផ្សារផ្សេង មានដូចជា ប៉ាណាមុខ និងយ៉ាន់ខ្មៅ ជាដើម។
អតិថិជននៅក្នុងប្រទេសជប៉ុន នឹងអាចទិញរថយន្ត Forester Sport ឆ្នាំ២០២០ ក្នុងតម្លៃចាប់ពី ៣ ២៨៩ ០០០យ៉េន ឬប្រហែល ៣១ ៤០០ដុល្លារ៕
ផ្ទាំងផ្សាយពាណិជ្ជកម្ម
