បន្ទាប់ពីបង្ហាញខ្លួនផ្លូវការបានរយ:ពេល ១២ ម៉ោង រថយន្តអគ្គិសនីវៀតណាមថ្មីម៉ូឌែល VF e34 របស់ក្រុមហ៊ុនផលិតរថយន្តវៀតណាមទទួលបានការបញ្ជាទិញជិត ៤ពាន់គ្រឿង។
ជាក់ស្តែង ការបញ្ជាទិញរថយន្ត VF e34 ចំនួន ៣ ៦៩២ គ្រឿងត្រូវបានធ្វើឡើងនៅថ្ងៃទី ២៤ ខែមីនានេះនៅលើ គេហទំព័រផ្លូវការរបស់ក្រុមហ៊ុន, កន្លែងតាំងបង្ហាញ និងភ្នាក់ងារទូទាំងប្រទេស ចាប់ពីម៉ោង ៧ព្រឹក ដល់ ៧យប់។
ជាមួយ VF e34 ក្រុមហ៊ុន VinFast អនុវត្តគោលការណ៍កក់ប្រាក់ចំនួន ១០ លានដុង ឬប្រហែល ៤៣៣ដុល្លារ ក្នុងមួយគ្រឿង។ ហើយអតិថិជនដែលធ្វើការកុម្ម៉ង់រថយន្ត e34 មុនថ្ងៃទី៣០ខែមិថុនា ក្រុមហ៊ុន VinFast នឹងទទួលបានតម្លៃពិសេសគឺត្រឹមតែ ២៥ ៥៥០ដុល្លារ ដែលចំណេញប្រមាណ ៥០០០ដុល្លារ។ ការបញ្ចេញលក់រថយន្ត e34 នេះអាចចាប់ផ្ដើមនៅខែវិច្ឆិកា។
រថយន្ត e34 នេះមានបំពាក់ជាមួយម៉ូទ័រអគ្គិសនីទំហំ ១១០គីឡូវ៉ាត់ម៉ោង ឬកម្លាំង ១៤៧សេះ ដែលអះអាងថាអាចបើកបរបានចម្ងាយ ៣០០គីឡូម៉ែត្រពេលសាកភ្លើងពេញ ហើយវាអាចសាករយ:ពេល ១៥នាទី ជិះបានចម្ងាយ ១៨០គីឡូម៉ែត្រ៕
