ក្រុមហ៊ុន Toyota Motor Corp បានបើកដំណើរការស្ថានីយ៍បញ្ចូលអ៊ីដ្រូហ្សែនដំបូងបង្អស់របស់ខ្លួន នៅក្នុងរដ្ឋ Victoria នៃប្រទេសអូស្រ្តាលី ដោយជម្រុញឲ្យរដ្ឋាភិបាលលើកទឹកចិត្តដល់ការបង្កើតស្ថានីយ៍នេះបន្ថែមទៀតដើម្បីជំរុញដល់មនុស្សងាកមកប្រើរថយន្តដែលមិនបំពុលដល់បរិស្ថាន។
ស្ថានីយ៍អ៊ីដ្រូហ្សែនខាងលើ ក៏ជាកន្លែងធំបំផុតរបស់ Toyota ផងដែរ នៅទូទាំងពិភពលោក ទាក់ទងនឹងការផលិត រក្សាទុក និងចែកចាយអ៊ីដ្រូហ្សែន។
គួររំលឹកឲ្យដឹងដែរថា នៅក្នុងខែមេសានេះ ក្រុមហ៊ុន Toyota នឹងនាំយករថយន្ត Toyota Mirai ដែលដំណើរការដោយអ៊ីដ្រូហ្សែន ចំនួន ២០ គ្រឿងទៅកាន់ប្រទេសអូស្រ្តាលី ដើម្បីទទួលបានការមតិរិះគន់ពីរបៀបដែលវាដំណើរការ។
យ៉ាងណាមិញ រថយន្តប្រើអ៊ីដ្រូហ្សែន នៅតែជាផ្នែកតូចមួយនៅទូទាំងពិភពលោក ចំពេលមានការព្រួយបារម្ភអំពីកង្វះស្ថានីយ៍ តម្លៃលក់បន្ត និងហានិភ័យនៃការផ្ទុះអ៊ីដ្រូហ្សែន។ Toyota បានលក់រថយន្ត Mirai ប្រមាណ ១០ ០០០ គ្រឿងហើយ ដែលភាគច្រើននៅក្នុងប្រទេសជប៉ុន និងសហរដ្ឋអាមេរិក៕
