ទន្ទឹមនឹងការបង្ហាញចេញរថយន្ត CX-5 ស៊េរីឆ្នាំ២០២២ សម្រាប់ទីផ្សារសហរដ្ឋអាមេរិក ក្រុមហ៊ុន Mazda បានប្រកាសដែរថារថយន្ត SUV ទាំងអស់របស់ Mazda ដែលលក់នៅអាមេរិកនឹងមានបំពាក់ប្រព័ន្ធបើកបរប៉ុងពីរមកជាស្តង់ដារ។
ការសម្រេចចិត្តបែបនេះ ត្រូវបានក្រុមហ៊ុនអះអាងថាគឺដើម្បីគាំទ្រនូវចក្ខុវិស័យរបស់ក្រុមហ៊ុន ដែលមានបំណងផ្ដល់នូវការបើកបរដ៏រីករាយសម្រាប់អ្នកបើកបរទាំងអស់។
ផ្ទាំងផ្សាយពាណិជ្ជកម្ម
ប្រព័ន្ធបើកបរប៉ុងពីរ i-Activ AWD នឹងមានមកជាស្តង់ដារលើរថយន្ត SUV ស៊េរីឆ្នាំ២០២២ទាំងអស់ ដែលក្នុងនោះរួមមានរថយន្ត CX-3, CX-30, CX-5 និង CX-9 ផងដែរ។ ក៏មានការរំពឹងផងដែរថាតម្លៃលក់អាចនឹងឡើងថ្លៃលើសស៊េរីឆ្នាំមុន បន្ទាប់ពីមានបន្ថែមស្តង់ដារថ្មីបែបនេះ។
គួរដឹងថារថយន្ត CX-3 ស៊េរីឆ្នាំ២០២១ មានតម្លៃចាប់ផ្ដើមពី ២០ ៧៩០ដុល្លារ ខណៈរថយន្ត CX-5 ដែលជារថយន្តលក់ដាច់ជាងគេនៅអាមេរិកមានតម្លៃចាប់ពី ២៥ ៣៧០ដុល្លារ សម្រាប់ស៊េរីឆ្នាំ២០២១៕
ផ្ទាំងផ្សាយពាណិជ្ជកម្ម
