CEO ក្រុមហ៊ុន Tesla លោក Elon Musk បានសរសេរសារនៅលើគណនីបណ្តាញសង្គម Twitter របស់ខ្លួនថា “ខ្ញុំចង់បញ្ជាក់ថា មិនទាន់មានកិច្ចសន្យាណាមួយត្រូវបានចុះហត្ថលេខានៅឡើយទេ” បន្ទាប់ពីក្រុមហ៊ុនរថយន្តជួលមួយនេះបានប្រកាសកិច្ចព្រមព្រៀងដែលនាំឱ្យតម្លៃទីផ្សាររបស់ក្រុមហ៊ុន Tesla កើនលើសពី ១ទ្រីលានដុល្លារ។
You’re welcome!
If any of this is based on Hertz, I’d like to emphasize that no contract has been signed yet.
Tesla has far more demand than production, therefore we will only sell cars to Hertz for the same margin as to consumers.
Hertz deal has zero effect on our economics.
— Elon Musk (@elonmusk) November 2, 2021
បន្ថែមពីនេះ លោកក៏បានលើកឡើងបន្ថែមផងដែរថា ប្រសិនបើកិច្ចសន្យាព្រមព្រៀងនឹងសម្រេចបាន នោះក្រុមហ៊ុន Hertz នឹងត្រូវបង់ថ្លៃរថយន្តពេញ មិនមានការបញ្ចុះតម្លៃនោះទេ។
គួរឲ្យដឹងថា កាលពីថ្ងៃទី ២៥កន្លងទៅ ភាគហ៊ុននៅក្នុងក្រុមហ៊ុន Tesla បានកើនឡើង ១២,៦% បន្ទាប់ពីក្រុមហ៊ុន Hertz បាននិយាយថា ខ្លួនបានបញ្ជាទិញរថយន្តចំនួន ១០០ ០០០ គ្រឿងពី Tesla នៅចុងឆ្នាំ ២០២២៕
