Brabus ទើបតែបានបង្ហាញរថយន្តកំពូលកម្លាំង G V12 900 ដែលផលិតត្រឹម ១០គ្រឿងប៉ុណ្ណោះ។
Brabus G V12 900 ប្រើម៉ាស៊ីនចំណុះ ៦,៣ លីត្រ Turbocharger ទំហំ ១២ ស៊ីឡាំង កម្លាំង ៨៨៧ សេះ ដំណើរការជាមួយប្រអប់លេខអូតូ ៩ វគ្គ និង ប្រព័ន្ធបើកបរប៉ុងពីរ។
ផ្ទាំងផ្សាយពាណិជ្ជកម្ម
SUV កំពូលកម្លាំងនេះ អាចរត់កុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេលត្រឹម ៣,៨ វិនាទីប៉ុណ្ណោះ ហើយមានល្បឿនអតិបរមាដល់ទៅ ២៨០ គីឡូម៉ែត្រក្នុងមួយម៉ោងឯណោះ។
Brabus G V12 900 ត្រូវបានផលិតផ្អែកតាម Mercedes-AMG G63 ឆ្នាំ ២០១៩ ប៉ុន្តែបើប្រៀបធៀបគ្នាទៅ វាមានកម្លាំងជាងរហូតដល់ទៅ ៣១០ សេះឯណោះ ព្រោះ G63 មានកម្លាំងត្រឹម ៥៧៧ សេះប៉ុណ្ណោះ។
Brabus បានបញ្ជាក់ថា G V12 900 មានតម្លៃរហូតដល់ទៅ ៦៦៧ ០០០ ដុល្លារឯណោះ ហើយតម្លៃនេះមិនទាន់គិតពន្ធឡើយ៕
ផ្ទាំងផ្សាយពាណិជ្ជកម្ម
