Vanderhall ដែលភាគច្រើនគេស្គាល់ជាក្រុមហ៊ុនរថយន្តកង់បី Carmel និង Venice បានបង្ហាញតម្លៃ និងព័ត៌មានលម្អិតសម្រាប់ម៉ូដែលថ្មីនោះគឺ Brawley ជារថយន្តអគ្គិសនីសុទ្ធដែលជាប្រភេទ non-street-legal និង off-road-focused មានតម្លៃចាប់ពី ៣៤,៩៥០ ដុល្លារ មិនទាន់រាប់បញ្ចូលថ្លៃដឹកជញ្ជូន ដោយក្រុមហ៊ុនបានទទួលការកក់ទុករួចហើយសម្រាប់គំរូម៉ូដែលឆ្នាំ ២០២២ ។
រថយន្ត Brawley មានប្រវែងសរុប ៣.៧៥ ម៉ែត្រ ទទឹងប្រវែង ១.៩៣ ម៉ែត្រ និងកម្ពស់ ១.៧៦ ម៉ែត្រ ជាមួយប្រវែងពីកង់មកក្រោយ ២.៨៦ ម៉ែត្រ។ ការរចនានេះរំលឹកអំពីរថយន្ត jeep Wrangler នាពេលអនាគត លាយជាមួយ Warthog ពីហ្គេម Halo ជាក់ស្តែងវាបានប្រើប្រាស់ជាមួយសំបកកង់ដ៏ធំ ៣៥ អ៊ីញ, ប្រព័ន្ធ Suspension travel ២២អ៊ីញ និងបាតខ្ពស់ពីដី ១៨អ៊ីញ ដែលធ្វើឲ្យ Brawleyមានភាពល្អឥតខ្ចោះក្នុងការ Off-road ។
រថយន្តនេះមានម៉ូទ័រអគ្គិសនីទាំង ៤ បង្កើតកម្លាំងបាន ៤០៤ សេះ និងកម្លាំងរមួល ៦៥១ ញ៉ូតុនម៉ែត្រ នៅក្នុងម៉ូដែលខ្ពស់ជាងគេអាចឲ្យកង់បើកបរបានគ្រប់ស្ថានភាព ដូច្នេះអ្នកបើកបរមានសិទិ្ធប្រើប្រាស់ជម្រើសនៃការបើកបរដូចជា eCrab, eSteer, eTank និង eCrawl ស្រដៀងទៅនឹងរថយន្ត GMC Hummer និង Rivian Ri1T ផងដែរ។
ទាក់ទងនឹងអាគុយវិញ ក្រុមហ៊ុននឹងផ្តល់ជូននូវម៉ូឌុល ៤០ គីឡូវ៉ាត់ម៉ោង និង ៦០ គីឡូវ៉ាត់ម៉ោង ជាមួយប្រព័ន្ធជួយអោយម៉ាស៊ីនត្រជាក់កម្រិតខ្ពស់ ដែលអាចជួយអោយត្រជាក់ និងបង្កើនថាមពលថ្មផងដែរ។ ក្រុមហ៊ុនអះអាងថា Brawley នឹងផ្តល់ចម្ងាយប៉ាន់ស្មានដល់ទៅ ៣២២ គីឡូម៉ែត្រ ប្រើជាមួយឆ្នាំងសាកលឿន DC និងអាគុយឡើងដល់ ៨០% ក្នុងរយៈពេលសាកតិចជាងមួយម៉ោង ។
រថយន្ត off-road នេះមានផ្នែកកាប៊ីនស្រស់ស្អាត ជាមួយកៅអីប្រភេទស្បែកដាច់ដោយឡែក៤, ផ្ទាំងកញ្ចក់ដ៏ធំ, ប្រអប់ទុកឥវ៉ាន់, ម៉ាស៊ីនកម្តៅ និងម៉ាស៊ីនត្រជាក់, កៅអីភ្ជាប់ដោយមុខងារកម្តៅ, ដំបូលបើក និងប្រព័ន្ធបំពងសំឡេង Bluetooth Kicker ជាដើម ៕
