[ទីផ្សារបរទេស] រូបភាពចុងក្រោយបង្អស់នៃរថយន្ត BMW X5 ស៊េរីឆ្នាំ ២០២៣ ត្រូវបានថតខណៈពេលដែលរថយន្តកំពុងត្រូវបានសាកល្បងនៅតាមផ្លូវក្នុងទីក្រុង Munich ប្រទេសអាល្លឺម៉ង់។ ទោះបីជាផ្នែកខាងក្រៅរបស់រថយន្តត្រូវបានបិទបាំងក៏ដោយ ប៉ុន្តែប្រភេទ Crossover ទំនងជាទទួលបានការផ្លាស់ប្តូរបន្តិចបន្តួច ដោយផ្តោតលើផ្នែកខាងមុខ។
ជាពិសេស X5 ស៊េរីឆ្នាំ២០២៣ នឹងត្រូវបានបំពាក់ដោយចង្កៀងមុខស្តើងជាងមុន និងកាងខាងមុខថ្មី។ លំហូខ្យល់នៅខាងមុខក៏ត្រូវបានរចនាឡើងឱ្យមានរាងជ្រុងជាងមុន សូម្បីតែប៉ាណាក៏ទំនងជាមានការរចនាថ្មីដែរ។ ខណៈ អំពូលភ្លើងខាងក្រោយដែលបានរចនាឡើងវិញ។
ផ្នែកខាងក្នុងនៃរថយន្តនៅតែជាអាថ៌កំបាំង ប៉ុន្តែផ្អែកលើរូបភាពនៃម៉ូដែល BMW X5 M ដែលបានកត់ត្រាពីមុន ផ្ទៃខាងក្នុងនៃរថយន្ត BMW X5 ស៊េរីឆ្នាំ ២០២៣ នឹងត្រូវបានបំពាក់ដោយចង្កឹះលេខដៃទំហំតូចជាងមុន, ប្រអប់លេខត្រូវបានរចនាឡើងវិញ ដោយការរចនាតាមលំនាំរថយន្តអគ្គិសនី iX ។ រថយន្តនេះបំពាក់ជាមួយកុងទ័រពត៌មានទំហំ ១២,៣ អ៊ីញ និងអេក្រង់កំសាន្តទំហំ ១៤,៩ អ៊ីញ។
ទោះជាយ៉ាងណាក៏ដោយ ក្រុមហ៊ុន BMW ធ្លាប់បានអះអាងពីគម្រោងបង្កើតម៉ូដែលដើរដោយថាមពលអ៊ីដ្រូសែន ដែលនឹងត្រូវបានផលិតក្នុងចំនួនមានកំណត់ សម្រាប់គោលបំណងបង្ហាញ និងសាកល្បង។ ត្រូវបានគេដាក់ឈ្មោះថា iX5 Hydrogen ប្រភេទ Crossover នឹងមានធុងដាក់អ៊ីដ្រូសែនខាងមុខផលិតឡើងពី carbon-fiber-reinforced ចំនួន២ ក៏ដូចជាម៉ូទ័រអគ្គិសនីដែលផលិតកម្លាំងបាន ៣៦៩ សេះ។
រថយន្ត BMW X5 ស៊េរីឆ្នាំ ២០២៣ នឹងចេញលក់នៅចុងឆ្នាំនេះ នៅប្រទេសវៀតណាម ក្រុមហ៊ុន Thaco កំពុងចែកចាយរថយន្ត BMW X5 ដែលមាន ៣ ប្រភេទគឺ xDrive40i xLine, xDrive40i xLine Plus និង xDrive40i M Sport ។ រថយន្តនេះមានតម្លៃ ១៨០,៩៧៥ ដុល្លារ , ២០៦,៤៥៨ ដុល្លារ និង ១៩៧,៧១៥ ដុល្លារ៕
