នាព្រឹកនៅថ្ងៃទី ១៨ ខែមករា ឆ្នាំ២០២៣ ក្រុមហ៊ុន TH Group ដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Chevrolet គ្រប់ប្រភេទក្នុងទីផ្សារប្រទេសកម្ពុជាបានធ្វើកម្មវិធីបើកបរសាកល្បង និងសម្ពោធជាផ្លូវការនៃរថយន្តស៊េរីថ្មីរបស់ខ្លួន រថយន្ត Chevrolet Tracker Redline ស៊េរីថ្មីចុងក្រោយ ដែលបានធ្វើឡើងនៅ ដឹ ព្រេមៀ សេនធ័រ សែនសុខ។
ក្នុងនោះដែរ ក្រុមការងារ ខេមបូ អូតូ ក៏បានចូលរួមដោយផ្ទាល់ ហើយបានសង្កេតឃើញថា កម្មពិធីនេះមានការចូលរួមពីសំណាក់អតិថិជនជាច្រើន និងទទួលបទពិសោធន៍ថ្មីជាមួយការបើកបរសាកល្បងនៅរថយន្ត Chevrolet tracker ស៊េរីថ្មីចុងក្រោយ ថ្មី មិនត្រឹមតែប៉ុណ្ណោះ បន្ទាប់ពីធ្វើការបើកបរសាកល្បងក៏មានអតិថិជនពេញចិត្តក៏បានធ្វើការកក់នៅរថយន្តនេះភ្លាមៗតែម្តង។
បន្ទាប់ពីបានទស្សនា និងបើកបរសាកល្បងរួចហើយ ក្រុមការងារសូមលើកយកនូវចំនុចពិសេសមួយចំនួនមកបង្ហាញបងប្អូនទាំងអស់គ្នាអោយបានជ្រាបផងដែរ៖
- ប្រើប្រាស់មាស៊ីន Turbocharged ចំណុះ ១,០ លីត្រ ៣ ស៊ីឡាំង ប៉ុងមុខ ( FWD) កម្រិតស៊ីសាំង ១០០គីឡូម៉ែត្រ ត្រឹមតែ ៥,៥ លីត្រប៉ុណ្ណោះ ដែលផ្តល់នូវសន្ទុះល្បឿនលឿន
- មានរូបរាងនៃការរចនាបែបស្ព័រ ដោយមានរំលេចជាមួយពណ៌ក្រហម ដែលជាអត្ថសញ្ញានៃ Redline នៅលើកន្លែងមួយចំនួនដូចជា ប៉ាណាមុខ, ថាសកង់ និងស៊ុមកញ្ចក់ជំហៀងជាដើម
- សោរឆ្លាតវៃជាប្រភេទតេលេ ( Smart Key)
- ថាសកង់ស្ព័រទំហំ ១៧ អ៊ីញ
- ដៃចង្កូតអេឡិចត្រូនិច (Electric Steering Wheel)
- ចង្កៀងមុខក្រោយប្រភេទ និងអំពូល Daytime Running Light ជាប្រភេទ LED
- កៅអីអ្នកបើកបរអាចសារេបាន ៤ របៀប
- ដំបូលកញ្ចក់ប្រភេទ Panorama Sunroof បើកពីមុខដល់ក្រោយ
- ប្រព័ន្ធកាំម៉េរាជំនួយមើលក្រោយ (Rear Camera technology) និងសេនស័រចំនួន ៤
- ប្រព័ន្ធហ្រ្វាំង ABS (Anti-Lock Braking System)
- ប្រព័ន្ធជំនួយបែងចែកកម្លាំងហ្រ្វាំង PBA (Panic Brake Assist)
- ប្រព័ន្ធទប់លំនឹងរថយន្ត កាត់បន្ថយភាពឃ្លោង ដល់អ្នករួមដំណើរ ESC (Electronic Stability Control)
- ប្រព័ន្ធជំនួយរថយន្តពេលចុះចំណោទ HDC (Hill Decent Control)
- សញ្ញាប្រាប់ដំណឹង និងអោយសំលេងពីខាងក្រោយ
- ពោងសុវត្ថិភាពខាងមុខ និងក្រោយ Airbag ចំនួន ៤ ចំនុច
- ប្រព័ន្ធវាស់សម្ពាធខ្យល់កង់រថយន្ត TPMS (Tire Pressure Monitoring System)
គួរបញ្ជាក់ផងដែរថា រថយន្តនេះបានធ្វើការចេញលក់ជាផ្លូវការនៅលើទីផ្សារប្រទេសកម្ពុជាហើយ Chevrolet Cambodia ប្រកាសបើកទទួលការកក់ជាផ្លូវការជាមួយនឹងតម្លៃលក់ត្រឹមតែ ២៩ ៩៩៩ ដុល្លារ សម្រាប់ព័ត៌មានបន្ថែមលោកអ្នកអាចអញ្ជើញទៅទស្សនារថយន្តដោយផ្ទាល់នៅអគារតាំងបង្ហាញរថយន្ត Chevrolet Cambodia ឬទំនាក់ទំនងទៅតាមលេខទូរស័ព្ទដូចខាងក្រោម 𝟎𝟗𝟓 𝟓𝟓𝟓 𝟖𝟑𝟐 | 𝟎𝟗𝟑 𝟖𝟖𝟗 𝟖𝟖𝟖៕
