នៅក្នុងទីក្រុង, ការបំពុលឧស្ម័នកខ្វក់ទៅបរិយាកាសគឺជាបញ្ហាចម្បង ហើយរាជរដ្ឋាភិបាលកម្ពុជាសង្ឃឹមយ៉ាងមុតមាំក្នុងការកែប្រែគុណភាពបរិយាកាស និងសុខភាពសាធារណៈដោយកំពុងណែនាំនូវការប្រើប្រាស់រថយន្តអគ្គិសនីដើម្បីកាត់បន្ថយឧស្ម័នកាបូនទៅបរិយាកាសនៅក្នុងប្រទេសនិងដោះស្រាយនូវបញ្ហាព្រួយបារម្ភពីសុខភាពផែនដី។ ដូច្នេះហើយការកាត់បន្ថយនូវការបំពុលឧស្ម័នកខ្វក់ទៅបរិយាកាសតាមរយៈការប្រើប្រាស់រថយន្តអគ្គិសនីគឺជាជម្រើសល្អនិងការរួមគ្នាជួយដល់សុខភាពផែនដី។
បច្ចុប្បន្ននេះ រថយន្តអគ្គិសនីគឺកំពុងចាប់ផ្ដើមមានចរាចរណ៍នៅលើដងវិថីក្នុងប្រទេសកម្ពុជាហើយ ក៏ប៉ុន្តែអ្នកប្រើប្រាស់ត្រូវប្រាកដថារថយន្តអគ្គិសនីរបស់លោកអ្នកគឺមានយីហោដែលរឹងមាំអមជាមួយនឹងមជ្ឈមណ្ឌលថែទាំនិងជួសជុល ដើម្បីធ្វើឱ្យរថយន្តអគ្គិសនីរបស់អ្នកទទួលបានការថែទាំនិងការជួសជុលត្រឹមត្រូវតាមស្តង់ដារបច្ចេកទេស ព្រោះថាការលក់រថយន្តអគ្គិសនីដែលមិនមានមជ្ឈមណ្ឌលថែទាំឬមិនមានជាងជំនាញ ឬក៏មិនមានគ្រឿងបន្លាស់សុទ្ធៗគឺជាការផ្តល់នូវបទពិសោធន៍ដ៏អាក្រក់សម្រាប់អ្នកប្រើប្រាស់ដែលមិនត្រឹមតែអាចមានផលអវិជ្ជមានដល់ម៉ាករថយន្តប៉ុណ្ណោះទេ គឺថែមទាំងប៉ះពាល់ដល់វិស័យឧស្សាហកម្មរថយន្តអគ្គិសនីថែមទៀតផង។
ខណៈពេលដែល MG គឺពិតជាមានវត្តមានដ៏រឹងមាំនៅក្នុងប្រទេសកម្ពុជា ហើយថ្មីៗនេះ MG បាននាំចូលនូវរថយន្តអគ្គិសនី MG Marvel R មកកាន់ទីផ្សារកម្ពុជាជាមួយការពង្រីកបន្ថែមនូវសាខាលក់រថយន្តនិងមជ្ឈមណ្ឌលថែទាំដែលពិតជាបង្កើនតួលេខនៃការលក់កាន់តែល្អដល់រថយន្តក្នុងប្រទេស។ ចំណុចនេះគឺមានន័យថាអតិថិជនអាចងាយស្រួលស្វែងរកទីតាំងដែលនៅជិតពួកគេដើម្បីស្វែងរកទិញរថយន្តឬក៏ទទួលសេវាកម្មថែទាំជួសជុលផងដែរ។ ឥឡូវនេះ ក្រុមហ៊ុន MG មានសាខាចំនួន៣ គឺ ទីស្នាក់ការកណ្ដាលនៅទឹកថ្លាជិតស្ពានអកាស៧មករា, MG សាខាផ្លូវ៦០ម៉ែត្រ(ទល់មុខសាលាអន្តរជាតិ ISPP) និងសាខានៅខេត្តសៀមរាបដែលមានទាំងការលក់និងមជ្ឈមណ្ឌលថែទាំជួសជុលរថយន្ត។ ក្រុមអ្នកជំនាញខាងបច្ចេកទេសរបស់រថយន្ត MG គឺត្រូវបានបណ្ដុះបណ្ដាលដើម្បីប្រាកដថាការដោះស្រាយបញ្ហារថយន្តអគ្គិសនីឬការថែទាំនឹងត្រូវស្តង់ដារបច្ចេកទេសហើយទទួលបាននូវគ្រឿងបន្លាស់ដែលសុទ្ធoriginalពីរោងចក្រ, ដូច្នេះអ្នកប្រើប្រាស់អាចប្រាកដចិត្តថារថយន្តអគ្គិសនី MG របស់អ្នកគឺមានលក្ខណៈល្អប្រសើរនិងទំនុកចិត្ត។
ទន្ទឹមនឹងនេះដែរ MG គឺជាជម្រើសដ៏ល្អសម្រាប់លោកអ្នកដែលកំពុងស្វែងរករថយន្តប្រភេទអគ្គិសនីក្នុងប្រទេសកម្ពុជា ព្រោះថាMGបានផ្ដល់នូវកញ្ចប់ថែទាំសេវាកម្មសម្រាប់រថយន្តអគ្គិសនី ដែលបានបញ្ចូលជាមួយនឹងការធានារយៈពេល ៥ ឆ្នាំ ឬ ១៥០ ០០០ គីឡូម៉ែត្រ ព្រមទាំងសេវាកម្មត្រួតពិនិត្យរថយន្តដោយឥតគិតថ្លៃ។ នេះមានន័យថាអតិថិជនអាចមានទំនុកចិត្តខ្ពស់ដែលរថយន្តរបស់ពួកគេគឺត្រូវបានយកចិត្តទុកដាក់និងថែទាំសម្រាប់៥ឆ្នាំនិងលើស ហើយករណីដែលរថយន្តមានបញ្ហាផ្សេងៗអ្នកនឹងទទួលបានការដោះស្រាយឆាប់ៗជាមួយជាងជំនាញនិងឧបការណ៏ស្ដង់ដារនៃរថយន្តអគ្គិសនី។
ជាមួយគ្នាផងដែរនេះ MG ក៏បានប្ដេជ្ញាចិត្តដើម្បីបង្កើតនូវរថយន្តដែលគ្មានការបញ្ចេញជាតិពុលទៅកាន់បរិយាកាសតាមរយៈការដាក់លក់រថយន្តអគ្គិសនី MG Marvel R ដែលបានផ្ដល់នូវតម្លៃយ៉ាងសមរម្យនិងដំណើរការបើកបរដ៏ខ្លាំងខ្លា។ រថយន្តអគ្គិសនី MG Marvel R គឺបានរចនារូបរាងជាមួយនឹងលក្ខណៈបច្ចេកវិទ្យាទំនើបៗចុងក្រោយ បូកបញ្ចូលទាំងប្រព័ន្ធសុវត្ថិភាពកម្រិតខ្ពស់ ហើយការកម្សាន្តដ៏សំបូរបែប និងអាចបើកបរបានរយៈចំងាយ ៤០២ គីឡូម៉ែត្រ សម្រាប់ការសាកថាមពលមួយពេញជាមួយនឹងការប៉ាន់ស្មានតម្លៃថាមពលអគ្គីសនីនៅតាមផ្ទះប្រហែល ១៣,៦១ ដុល្លារតែប៉ុណ្ណោះ ហើយសម្រាប់តម្លៃនៃការថែទាំរថយន្តអគ្គិសនីវិញក៏មានតម្លៃថោកជាងរថយន្តប្រើសាំងដែរ។ គុណសម្បត្តិទាំងនេះហើយដែលបានធ្វើឱ្យរថយន្ត MG Marvel R ក្លាយជាជម្រើសទីមួយសម្រាប់លោកអ្នកដែលគិតគូរពីសុខភាពនិងចង់កាត់បន្ថយនូវឧស្ម័នពុលមកបរិយាកាស ដោយមិនធ្វើអោយប៉ះពាល់ដល់ស្ទីលនៃការបើកបររបស់ពួកគេ។
