[បរទេស] ក្រុមហ៊ុនផលិតរថយន្ត Ram បានធ្វើការដាក់បញ្ចេញនៅរថយន្តភីកអាប់ខ្នាតធំ RAM 2500 និង RAM 3500 ស៊េរីឆ្នាំ ២០២៥ ទទួលបានការអាប់ដេតបន្ថែម រួមទាំងបច្ចេកវិទ្យា និងថាមពលម៉ាស៊ីន ជាមួយតម្លៃលក់ ៤៧ ៥៦០ ដុល្លារសម្រាប់ម៉ូដែល 2500 និងតម្លៃ ៤៨ ៥៦៥ ដុល្លារ សម្រាប់ម៉ូដែល 3500 ។
សម្រាប់ភីកអាប់ទាំង ២ នេះ ទទួលបានជម្រើសម៉ាស៊ីនថ្មី ពោលគឺម៉ាស៊ីនម៉ាស៊ូតចំណុះ ៦,៧ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ៤៣០ សេះ និងកម្លាំងរមួល ១៤៥៦ ញ៉ូតុនម៉ែត្រ ភ្ជាប់ដោយប្រអប់លេខថ្មីចំនួន ៨វគ្គ ។ ខណៈម៉ាស៊ីនចំណុះ ៦,៤ លីត្រ Hemi V8 នៅផ្តល់ជូនជាស្តង់ដារ ។
ភីកអាប់ខ្នាតធំ RAM 2500 និង RAM 3500 ទទួលបានការថ្មីទៅលើ ប៉ាណា រួមទាំងសំណុំចង្កៀងមុខ LED ។ លើសពីនេះ ក៏ទទួលបានកុងទ័របង្ហាញព័ត៌មានឌីជីថលថ្មីទំហំ ១២,៣ អ៉ីញ និងអេក្រង់កំសាន្ត touchscreen Uconnect 5 ទំហំ ១៤,៥ អ៊ីញថ្មី ក៏ដូចជាកន្លែងសាកថ្មឥតប្រើខ្សែចំនួន ២ ទីតាំង ឧបករណ៍បំពងសំឡេងម៉ាក Harman Kardon ចំនួន ១៧ចំនុច ។ លើសពីនេះ ក៏បានបន្ថែមមុខងារប្រព័ន្ធសុវត្ថិភាពថ្មីជាច្រើនទៀរផង ៕
