ស្របពេលដែលក្រុមហ៊ុនជាច្រើនកំពុងសម្រុកបញ្ចេញនូវរថយន្តស៊េរីថ្មីៗរបស់ខ្លួន ពេលនេះ ក្រុមហ៊ុន BYD បានធ្វើការប្រកាសបង្ហាញចេញជាផ្លូវការនូវរថយន្តសេរ៊ីថ្មី BYD Song L DM-i ឆ្នាំ២០២៦ របស់ខ្លួនហើយ ដោយក្នុងនោះ គឺមានតម្លៃលក់ចាប់ពី ១៤ ០០០ដុល្លារ ដល់ ១៥ ៧០០ដុល្លារប៉ុណ្ណោះ នៅក្នុងទីផ្សារប្រទេសចិន។
រថយន្ត BYD Song L DM-i ឆ្នាំ២០២៦ នេះ ដំណើរការដោយម៉ាស៊ីន ១,៥ លីត្រ អាចផលិតកម្លាំងបាន ៩៩សេះ និងម៉ូទ័រអគ្គិសនីចំនួន ១ អាចផលិតកម្លាំងបាន ២១៤សេះ។ ក្នុងនោះ វាគឺអាចបើកបរបានចម្ងាយ ២០០គីឡូម៉ែត្រ ដោយអគ្គិសនីសុទ្ធ និងសរុប ១ ៦៣០គីឡូម៉ែត្រ។។
ផ្ទាំងផ្សាយពាណិជ្ជកម្ម
សម្រាប់ការរចនាវិញ វាមានការរចនាដូចជំនាន់មុនដដែល ប៉ុន្តែទទួលបានការអាប់ឌែតថ្មីៗទៅលើចំនុចជាច្រើន ពោលគឺមានភាពប្រណិតជាងមុន។ លើសពីនេះ ក៏ទទួលបាននូវប្រព័ន្ធ DiSus-C intelligent damping system និងប្រព័ន្ធ TBC high-speed tyre blowout stability control ផងដែរ៕
ផ្ទាំងផ្សាយពាណិជ្ជកម្ម
