![2](https://camboauto.com/wp-content/uploads/2021/03/2-38-696x464.jpg)
ក្រុមហ៊ុន Aston Martin បានប្រកាសចេញរថយន្ត Vantage ស៊េរីឆ្នាំ២០២១ ប្រភេទ F1 Edition ថ្មី ដែលទទួលបានការអាប់ដេតច្រើន លើសពីម៉ូដែល Vantage ធម្មតា។
រថយន្ត Aston Martin Vantage F1 Edition ត្រូវបានផលិតឡើងដើម្បីអបអរសាទរការវិលត្រលប់ទៅកាន់ Formula 1 របស់ Aston Martin វិញ ដោយវាទទួលបានការអាប់ដេតលើរូបរាង ក៏ដូចជាធ្វើឲ្យផ្នែកមេកានិចកាន់តែប្រសើរឡើងផងដែរ។
Vantage F1 Edition មានតួខ្លួនពណ៌បៃតងចាស់ Aston Martin Racing Green ដែលយកតាមរថយន្ត F1 របស់ខ្លួន ប៉ុន្តែវាក៏ផ្តល់ជម្រើសពណ៌ផ្សេងទៀត ដូចជា ខ្មៅ និង ស ដែរ។ មិនតែប៉ុណ្ណោះ វាក៏មានតុបតែងបន្ថែមគ្រឿង Aerodynamics ដែលអាចកាត់បន្ថយកម្លាំងទំនាញ ២០០គីឡូក្រាម នៅល្បឿនអតិបរមា ព្រមទាំងយ៉ាន់ ២១អ៊ីញថ្មីទៀតផង។
ក្រឡេកទៅមើលកាប៊ីនខាងក្នុងវិញ វាប្រើប្រាស់ពូកស្បែកពណ៌ខ្មៅ លាយជាមួយកាំម្ញី ហើយក៏មានជម្រើសថ្នេរដេរពណ៌បញ្ច្រាស់គ្នា ដូចជា ខ្មៅ ប្រផេះ និង ក្រហម ផងដែរ។
ក្រៅពីនោះ Vantage F1 Edition បានពង្រឹងសាក់ស៊ីឲ្យរឹងមាំជាងមុន ព្រមទាំងការអាប់ដេតលើប្រព័ន្ធជើងក្រោម និងបំពាក់ម៉ាស៊ីនដែលមានកម្លាំងខ្លាំងជាងមុន ២៥សេះ។ ម៉ាស៊ីននោះគឺ twin-turbo ចំណុះ ៤,០លីត្រ ទំហំ ៨ស៊ីឡាំង មានកម្លាំងសរុប ៥២៧សេះ ដំណើរការជាមួយប្រអប់លេខអូតូ ៨វគ្គ។
សូមបញ្ជាក់ថា រថយន្ត Aston Martin Vantage F1 Edition មានតួខ្លួន ២ ប្រភេទ គឺ Coupe និង Roadster (បើកដំបូល) ហើយមានតម្លៃ ១៩៦ ០០០ដុល្លារ នៅក្នុងប្រទេសអង់គ្លេស៕